1 Otànnugbo lẹ

27 Ehe wẹ yin sọha Islaelivi lẹ tọn, yèdọ nukọntọ whédo otọ́ yetọn lẹ tọn lẹ, ogán omẹ fọtọ́n lẹ tọn lẹ po omẹ kanweko lẹ tọn lẹ po,+ gọna anademẹtọ he nọ yilizọn na ahọlu+ to whẹho depope he gando pipli he nọ wá bosọ nọ yì to sunmẹsunmẹ lọ lẹ go mẹ, yèdọ to osun owhe lọ tọn lẹpo mẹ; yé omẹ 24 000 wẹ to pipli dopodopo mẹ.

2 Jaṣobeami+ visunnu Zabdiẹli tọn wẹ nọ deanana pipli tintan osun tintan tọn, podọ omẹ 24 000 wẹ to pipli etọn mẹ. 3 To visunnu Pelẹzi+ tọn lẹ mẹ, ewọ wẹ yin nukọntọ na ogán pipli he yin azọ́ndena nado wadevizọn to osun tintan lọ mẹ lẹ tọn lẹpo. 4 Dodai+ Ahohinu+ lọ wẹ nọ deanana pipli osun awetọ tọn, Mikloti wẹ yin nukọntọ, podọ omẹ 24 000 wẹ to pipli etọn mẹ. 5 Ogán pipli atọ̀ntọ he yin azọ́ndena nado wadevizọn to osun atọ̀ntọ mẹ tọn wẹ Bẹnaia+ visunnu Jehoiada+ yẹwhenọgán lọ tọn, podọ omẹ 24 000 wẹ to pipli etọn mẹ. 6 Bẹnaia ehe yin awhànfuntọ huhlọnnọ de to omẹ 30 lọ lẹ mẹ, podọ ewọ wẹ yin ogán omẹ 30 lọ lẹ tọn, visunnu etọn Amizabadi wẹ nọ deanana pipli etọn. 7 Ogán ẹnẹtọ to osun ẹnẹtọ mẹ wẹ Asahẹli+ nọvisunnu Joabi+ tọn, visunnu etọn Zebadia wẹ sọ jẹ otẹn etọn mẹ to okú etọn godo, podọ omẹ 24 000 wẹ to pipli etọn mẹ. 8 Ogán atọ́ntọ to osun atọ́ntọ mẹ wẹ Ṣamhuti Izlahianu lọ, podọ omẹ 24 000 wẹ to pipli etọn mẹ. 9 Ogán ṣidopotọ to osun ṣidopotọ mẹ wẹ Ila+ visunnu Ikẹṣi Tekoanu+ lọ tọn, podọ omẹ 24 000 wẹ to pipli etọn mẹ. 10 Ogán ṣinawetọ to osun ṣinawetọ mẹ wẹ Helẹzi+ Pẹloninu lọ he yin Eflaiminu de, podọ omẹ 24 000 wẹ to pipli etọn mẹ. 11 Ogán ṣinatọ̀ntọ to osun ṣinatọ̀ntọ mẹ wẹ Sibekai+ Huṣanu lọ he yin Zelanu+ de, podọ omẹ 24 000 wẹ to pipli etọn mẹ. 12 Ogán ṣinẹnẹtọ to osun ṣinẹnẹtọ mẹ wẹ Abi-ẹzẹli+ Anatọtinu+ lọ he yin Bẹnjamininu de, podọ omẹ 24 000 wẹ to pipli etọn mẹ. 13 Ogán aotọ to osun aotọ mẹ wẹ Mahalai+ Netofanu lọ he yin Zelanu+ de, podọ omẹ 24 000 wẹ to pipli etọn mẹ. 14 Ogán 11tọ to osun 11tọ mẹ wẹ Bẹnaia+ Pilatoninu lọ sọn visunnu Eflaimi tọn lẹ mẹ, podọ omẹ 24 000 wẹ to pipli etọn mẹ. 15 Ogán 12tọ to osun 12tọ mẹ wẹ Hẹldai Netofanu lọ he yin kúnkan Otniẹli tọn de, podọ omẹ 24 000 wẹ to pipli etọn mẹ.

16 Nukọntọ hẹnnu Islaeli tọn lẹ tọn die: Sọn Leubẹninu lẹ mẹ, Eliezẹli visunnu Zikli tọn wẹ yin nukọntọ; sọn Simeoninu lẹ mẹ, Ṣefatia visunnu Maaka tọn; 17 sọn kúnkan Levi tọn mẹ, Haṣabia visunnu Kemuẹli tọn; sọn kúnkan Aalọn tọn mẹ, Zadọki; 18 sọn kúnkan Juda tọn mẹ, Elihu+ he yin dopo to nọvisunnu Davidi tọn lẹ mẹ; sọn kúnkan Isakali tọn mẹ, Omli visunnu Mikaẹli tọn; 19 sọn kúnkan Zebuluni tọn mẹ, Iṣmaia visunnu Obadia tọn; sọn kúnkan Naftali tọn mẹ, Jelimọti visunnu Azliẹli tọn; 20 sọn Eflaiminu lẹ mẹ, Hoṣea visunnu Azazia tọn; sọn mado-awe hẹnnu Manasse tọn mẹ, Joẹli visunnu Pedaia tọn; 21 sọn mado-awe hẹnnu Manasse tọn he to Giliadi mẹ, Ido visunnu Zekalia tọn; sọn kúnkan Bẹnjamini tọn mẹ, Jaasiẹli visunnu Abneli+ tọn; 22 sọn kúnkan Dani tọn mẹ, Azalẹli visunnu Jelohami tọn. Omẹ ehelẹ wẹ yin ahọvi lẹ to hẹnnu Islaeli tọn lẹ mẹ.

23 Davidi ma hia mẹhe tindo owhe 20 podọ whè humọ lẹ, na Jehovah ko dopagbe nado hẹn omẹ Islaeli tọn lẹ sù taidi sunwhlẹvu olọn tọn lẹ.+ 24 Joabi visunnu Zeluia tọn bẹ omẹ hihia lọ jẹeji, amọ́ e ma dotana; podọ homẹgble Jiwheyẹwhe tọn wá Islaeli ji* na ehe wutu,+ bọ sọha lọ ma yin kinkan do kandai whenuho Ahọlu Davidi tọn mẹ.

25 Azmavẹti visunnu Adiẹli tọn wẹ nọ penukundo adọkunnu sẹdotẹn ahọlu tọn+ go. Jonatani visunnu Uzia tọn wẹ nọ penukundo agbànhọ* he to danji lẹ go, gọna dehe to tòdaho lẹ, gbétatò lẹ po atọ̀họ̀ lẹ po mẹ. 26 Ẹzli visunnu Kẹlubi tọn wẹ nọ deanana gle-zọ́nwatọ he nọ pọ̀ aigba lẹ. 27 Ṣimei Lamanu lọ wẹ nọ penukundo vẹngle lẹ go; Zabdi Ṣifiminu lọ wẹ nọ penukundo sinsẹ́n vẹngle lẹ tọn go na agbànhọ ovẹn tọn lẹ. 28 Baali-hanani Gedelinu lọ wẹ nọ penukundo olivie-gle po atin sikomoli tọn+ lẹ po go to Ṣefela;+ Joaṣi wẹ nọ penukundo agbànhọ amì tọn lẹ go. 29 Ṣitlai Ṣalọninu+ lọ wẹ nọ penukundo kanlinpa he nọ dù ama to Ṣalọni lẹ go, podọ Ṣafati visunnu Adlai tọn wẹ nọ penukundo kanlinpa he to dankló ji* lẹ go. 30 Obili Iṣmaelinu lọ wẹ nọ penukundo kanklosọ́ lẹ go; Jedeia Mẹlonotinu lọ wẹ nọ penukundo kẹtẹkẹtẹ* lẹ go. 31 Jazizi Haglinu lọ wẹ nọ penukundo lẹngbọpa lẹ go. Omẹ ehe lẹpo wẹ yin ogán he nọ penukundo nutindo Ahọlu Davidi tọn go lẹ.

32 Jonatani+ he yin tavẹ-ylọvi Davidi tọn yin ayinamẹtọ de, yèdọ sunnu he tindo nukunnumọjẹnumẹ podọ wekantọ de, Jehiẹli visunnu Hakmọni tọn wẹ nọ pọ́n visunnu ahọlu tọn lẹ go.+ 33 Ahitofẹli+ yin ayinamẹtọ ahọlu tọn de, podọ Huṣai+ Alkinu lọ yin họntọn ahọlu tọn.* 34 Gbọnvona Ahitofẹli, Jehoiada visunnu Bẹnaia+ tọn po Abiatali+ po sọ to finẹ ga; podọ Joabi+ wẹ yin ogán awhànpa ahọlu tọn.