1 Otànnugbo lẹ
9 Islaelivi lẹpo wẹ yin titodohukanji sọgbe hẹ kúnkan yetọn lẹ, oyín yetọn sọ yin kinkan do Owe Ahọlu Islaeli tọn lẹ tọn mẹ. Omẹ Juda tọn lẹ sọ yin hinhẹn yì kanlinmọgbenu to Babilọni na nugbonọ-mayin yetọn wutu.+ 2 Omẹ tintan he lẹkọwa nutindo yetọn kọ̀n to tòdaho yetọn lẹ mẹ wẹ Islaelivi delẹ, yẹwhenọ lẹ, Levinu lẹ po devizọnwatọ tẹmpli mẹ tọn lẹ* po.+ 3 Podọ delẹ to kúnkan Juda,+ Bẹnjamini,+ Eflaimi po Manasse po tọn lẹ mẹ sawhé do Jelusalẹm: 4 Utai visunnu Amihudi tọn visunnu Omli tọn visunnu Imli he yin visunnu Bani tọn, sọn kúnkan Pelẹzi+ visunnu Juda tọn tọn lẹ mẹ. 5 Podọ sọn Ṣilonu lẹ mẹ, Asaia he yin plọnji lọ po visunnu etọn lẹ po. 6 Podọ sọn visunnu Zela+ tọn lẹ mẹ, Jeuẹli po nọvisunnu yetọn 690 po.
7 Sọn kúnkan Bẹnjamini tọn mẹ, Sallu visunnu Meṣulami tọn visunnu Hodavia he yin visunnu Hasenua tọn, 8 Ibneia visunnu Jelohami tọn, Elahi visunnu Uzi he yin visunnu Mikli tọn, gọna Meṣulami visunnu Ṣefatia tọn visunnu Leuẹli he yin visunnu Ibnija tọn. 9 Podọ sọha nọvisunnu yetọn lẹ tọn sọgbe hẹ kúnkan yetọn lẹ wẹ 956. Sunnu ehe lẹpo wẹ yin nukọntọ whédo otọ́ yetọn lẹ tọn lẹ.*
10 Sọn yẹwhenọ lẹ mẹ, Jedaia, Jehoialibi, Jakini,+ 11 Azalia visunnu Hilkia tọn visunnu Meṣulami tọn visunnu Zadọki tọn visunnu Melaiọti he yin visunnu Ahitubi tọn, mẹhe yin nukọntọ de to ohọ̀* Jiwheyẹwhe nugbo lọ tọn mẹ, 12 Adaia visunnu Jelohami tọn visunnu Paṣuli he yin visunnu Malkija tọn, Maasai visunnu Adiẹli tọn visunnu Jazela tọn visunnu Meṣulami tọn visunnu Meṣilemiti he yin visunnu Imẹli tọn, 13 gọna nọvisunnu yetọn lẹ he yin nukọntọ whédo otọ́ yetọn lẹ tọn lẹ, yèdọ sunnu nugopetọ podọ huhlọnnọ 1760 he ze yede jo na devizọnwiwa to ohọ̀ Jiwheyẹwhe nugbo lọ tọn mẹ.
14 Sọn Levinu lẹ mẹ, Ṣemaia+ visunnu Haṣubi tọn visunnu Azlikami he yin visunnu Haṣabia tọn sọn kúnkan Melali tọn mẹ; 15 podọ Bakibakali, Helẹṣi, Galali, Matania visunnu Mikka tọn visunnu Zikli he yin visunnu Asafi tọn, 16 Obadia visunnu Ṣemaia tọn visunnu Galali he yin visunnu Jedutuni tọn, gọna Belekia visunnu Asa he yin visunnu Ẹlkana tọn, mẹhe nọ nọ̀ gbétatò Netofanu lẹ tọn lẹ mẹ.+
17 Họ̀njinọtọ+ lẹ wẹ Ṣalumi, Akubi, Talmọni po Ahimani po, nọvisunnu yetọn Ṣalumi wẹ sọ yin nukọntọ, 18 podọ kakajẹ whenẹnu, ewọ wẹ nọ nọ̀ họngbo ahọlu tọn ji to whèzẹtẹn-waji.+ Ehelẹ wẹ họ̀njinọtọ osla Levinu lẹ tọn lẹ. 19 Ṣalumi visunnu Kole tọn visunnu Ebiasafi he yin visunnu Kola tọn, podọ nọvisunnu etọn he to whédo otọ́ etọn tọn mẹ lẹ, enẹ wẹ Kolanu lẹ, wẹ nọ deanana azọngban he devizọn lọ bẹhẹn lẹ, yèdọ họ̀njinọtọ gòhọ lọ tọn lẹ, podọ otọ́ yetọn lẹ wẹ ko nọ penukundo osla Jehovah tọn go nado ṣọ́ họntonu lọ. 20 Finehasi+ visunnu Eleazali+ tọn wẹ yin nukọntọ yetọn dai; Jehovah sọ tin hẹ ẹ. 21 Zekalia+ visunnu Meṣelemia tọn wẹ yin họ̀njinọtọ to họntonu gòhọ opli tọn lọ tọn.
22 Mẹhe yin dide nado yin họ̀njinọtọ to họntonu lọ lẹpo wẹ omẹ 212. Yé nọ nọ̀ gbétatò yetọn lẹ mẹ sọgbe hẹ todohukanji kúnkan yetọn lẹ tọn.+ Davidi po Samuẹli numọtọ+ lọ po wẹ de omẹ ehelẹ do azọ́ntẹn omẹ dejidego lẹ tọn yetọn mẹ. 23 Yewlẹ po visunnu yetọn lẹ po wẹ nọ deanana azọ́n nuhihọ́ tọn lọ nado ṣọ́ họngbo ohọ̀ Jehovah tọn,+ yèdọ gòhọ lọ tọn lẹ. 24 Họ̀njinọtọ lọ lẹ nọ nọ̀ awà ẹnẹ lẹ ji—yèdọ whèzẹtẹn-waji, whèyihọ-waji, agewaji po hùwaji po.+ 25 Sọn ojlẹ de mẹ jẹ devo mẹ, nọvisunnu yetọn lẹ nọ wá sọn gbétatò yetọn lẹ mẹ nado wadevizọn hẹ yé na azán ṣinawe. 26 Họ̀njinọtọ-gán* ẹnẹ wẹ yin dide do azọ́ntẹn omẹ dejidego lẹ tọn lọ mẹ. Levinu lẹ wẹ yé, podọ yewlẹ wẹ nọ penukundo họ̀nù* po adọkunnu sẹdotẹn ohọ̀ Jiwheyẹwhe nugbo lọ tọn tọn lẹ po go.+ 27 Yé nọ gbọṣi otẹn yetọn lẹ mẹ lẹdo ohọ̀ Jiwheyẹwhe nugbo lọ tọn pé to zánmẹ, na yewlẹ wẹ azọ́n nuhihọ́ tọn lọ yin didena, yé sọ nọ penukundo họnhungan lọ go bo nọ hùn ohọ̀n ohọ̀ lọ tọn lẹ to afọnnu afọnnu.
28 Delẹ to yé mẹ nọ penukundo nuyizan he yè do nọ wadevizọn lọ lẹ go;+ yé nọ hia sọha yetọn to whenue yé bẹ yé wá bosọ nọ hia sọha yetọn to whenue yé bẹ yé tọ́n. 29 Delẹ to yé mẹ yin dide do nuyizan lọ lẹ ji, yèdọ do nuyizan wiwe+ lọ lẹpo ji podọ do linfin dagbedagbe,+ ovẹn,+ amì,+ nuyọnwan gblingblin+ po amì balsami* tọn+ po ji. 30 Delẹ to visunnu yẹwhenọ lẹ tọn lẹ mẹ wẹ nọ wleawuna amì balsami* tọn lẹ. 31 Podọ Matitia he yin dopo to Levinu lẹ mẹ, yèdọ plọnji Ṣalumi Kolanu lọ tọn wẹ tin to azọ́ntẹn omẹ dejidego lẹ tọn mẹ na nuhe dù nukunpipedo akla he yin bibasi to nudàzẹ́n mẹ lẹ go.+ 32 Delẹ to nọvisunnu yetọn he yin Kohatinu lẹ mẹ wẹ nọ penukundo akla he yin tito do gọnu-gọnu* lẹ go+ nado wleawuna yé to gbọjẹzangbe lẹpo.+
33 Ehelẹ wẹ hànjitọ lẹ, nukọntọ whédo otọ́ Levinu lẹ tọn lẹ he to họ̀nù* lọ lẹ mẹ, yèdọ mẹhe azọngban devo ma nọ yin didena lẹ; na okle po ozán po wẹ yé nọ to azọngban yetọn hẹndi. 34 Ehelẹ wẹ nukọntọ whédo otọ́ Levinu lẹ tọn lẹ sọgbe hẹ kúnkan yetọn lẹ, yèdọ anadenanutọ lẹ. Jelusalẹm wẹ yé nọ nọ̀.
35 Jeiẹli he yin otọ́ Gibeọni tọn nọ nọ̀ Gibeọni.+ Oyín asi etọn tọn wẹ Maaka. 36 Visunnu plọnji etọn wẹ Abdọni, bọ mẹhe bọdego lẹ wẹ Zuli, Kiṣi, Baali, Neli, Nadabi, 37 Gedọli, Ahio, Zekalia po Mikloti po. 38 Mikloti ji Ṣimeami. Yemẹpo wẹ nọ nọ̀ fie ma dẹn do nọvisunnu yetọn lẹ to Jelusalẹm to pọmẹ hẹ nọvisunnu yetọn he pò lẹ. 39 Neli+ ji Kiṣi; Kiṣi ji Sauli;+ Sauli ji Jonatani,+ Malki-ṣua,+ Abinadabi+ po Ẹṣbaali po. 40 Visunnu Jonatani tọn wẹ Melibi-baali.+ Melibi-baali ji Mika.+ 41 Visunnu Mika tọn lẹ wẹ Pitọni, Melẹki, Talea po Ahazi po. 42 Ahazi ji Jala; Jala ji Alemẹti, Azmavẹti po Zimli po. Zimli ji Moza. 43 Moza ji Binea gọna Lefaia visunnu etọn, Eleasa visunnu etọn, Azẹli visunnu etọn. 44 Visunnu ṣidopo wẹ Azẹli tindo, oyín yetọn lẹ wẹ Azlikami, Bokelu, Iṣmaeli, Ṣealia, Obadia po Hanan po. Ehelẹ wẹ visunnu Azẹli tọn lẹ.