Yẹwhehodọtọ
5 Payi afọdide towe go to whedepopenu he a jei ohọ̀ Jiwheyẹwhe nugbo lọ tọn mẹ;+ e pọnte nado yì bo dotoai+ hú nado basi avọ́sinsan dile nulunọ lẹ nọ wà do,+ na yé ma yọnẹn dọ nuylankan wà wẹ yé te.
2 A nọ plaplaji nado dọho blo, a sọ dike ahun towe sisẹ́ we nado yawu dọho to Jiwheyẹwhe nugbo lọ nukọn blo,+ na Jiwheyẹwhe nugbo lọ tin to olọn mẹ, ṣigba hiẹ tin to aigba ji. Enẹ wẹ zọ́n bọ ohó towe lẹ dona yin vude.+ 3 Magbọjẹ susu zẹjlẹgo* wẹ nọ hẹnmẹ kudlọ,+ podọ ohó susu zẹjlẹgo nulunọ tọn wẹ nọ hẹn ẹn zun hówladọtọ.+ 4 Whedepopenu he a dopà hlan Jiwheyẹwhe, a dọngbàn nado de e blo,+ na ewọ ma nọ tindo homẹhunhun depope to nulunọ lẹ mẹ.+ De opà he a do.+ 5 E pọnte na we hugan ma nado dopà hú nado dopà bo ma de e.+ 6 A dike onù towe hẹn we* nado waylando blo,+ podọ a dọ to angẹli* lọ nukọn dọ nuṣiwa wẹ blo.+ Naegbọn a nado hẹn homẹgble Jiwheyẹwhe nugbo lọ gando nuhe a dọ go bọ e na biọ dọ ewọ ni và azọ́n alọ towe lẹ tọn sudo?+ 7 Na kẹdẹdile magbọjẹ susu nọ hẹnmẹ kudlọ do,+ mọdopolọ wẹ ohó susu didọ nọ dekọtọn do ovọ́ mẹ do niyẹn. Ṣigba, dibusi Jiwheyẹwhe nugbo lọ.+
8 Eyin hiẹ mọ bọ wamọnọ yin kọgbidina to aliho depope mẹ bọ yè tùnafọ whẹdida dodo po dodowiwa po ji to ayimatẹn towe mẹ, e ni ma paṣa we blo.+ Na mẹhe sọ yiaga hú ahọluzọnwatọ nukundeji enẹ to pinpọn ẹn, podọ mẹdevo lẹ sọ yiaga hú yemẹpo.
9 Humọ, yemẹpo wẹ nọ má sinsẹ́n aigba lọ tọn; etlẹ yin ahọlu lọsu, aigba lọ wẹ nọ na núdùdù i.+
10 Mẹhe yiwanna fataka, fataka ma na pekọna ẹn gbede, mọdopolọ wẹ nutindo ma na pekọna mẹhe yiwanna adọkun.+ Ovọ́ wẹ ehe lọsu.+
11 Eyin nudagbe lẹ sudeji, dùdùtọ lẹ lọsu nọ sudeji.+ Podọ ale tẹwẹ tin to e mẹ na núnọ lọ, adavo ni yí nukun etọn lẹ do pọ́n yé poun?+
12 Mẹhe to devizọnwa nọ damlọn yìkànmẹ, vlavo e dùnú vude kavi susu, ṣigba nutindo susugege adọkunnọ tọn ma nọ na ẹn agbọ́ nado damlọn.
13 Awublanu* daho de tin he yẹn mọ to owhè glọ: adọkunnu lẹ yin bibẹpli gbọn núnọ lọ dali na awugble etọn titi. 14 Adọkunnu enẹlẹ sọ yin hinhẹnbu na yanwle* he gọ́ na owù lẹ wutu, podọ to whenue ewọ ji visunnu de, e masọ tindo ogú de na ẹn ba.+
15 Kẹdẹdile mẹde nọ zọ̀n omẹ́ tọ́n sọn adọ̀ onọ̀ etọn tọn mẹ do, mọ wẹ ewọ nasọ yì do, yèdọ kẹdẹdile ewọ wá do.+ Ewọ masọ sọgan hẹn nudepope he e ko tindo sọn azọ́n sinsinyẹn etọn lẹpo mẹ yì.+
16 Awublanu* daho de wẹ ehe lọsu: Lehe ewọ wá do pẹpẹ, mọ wẹ e na tọ́nyi do; podọ ale tẹwẹ tin to e mẹ na mẹhe to azọ́n sinsinyẹn wà mapote na jẹhọn?+ 17 Humọ, ewọ nọ yí flumẹjijẹ, azọ̀n po homẹgble sinsinyẹn po do dùnú egbesọegbesọ to zinvlu mẹ.+
18 Ehe wẹ yẹn mọ taidi nuhe yin dagbe bo sọgbe: dọ gbẹtọ dona dù bo nù bosọ mọ awuvivi sọn azọ́n sinsinyẹn+ he e ko jẹtukla na to owhè glọ lẹpo mẹ to azán vude he Jiwheyẹwhe nugbo lọ ko na ẹn nado nọgbẹ̀ na lẹ whenu, na enẹ wẹ ale* etọn.+ 19 Humọ, eyin Jiwheyẹwhe nugbo lọ na mẹde adọkunnu lẹ po nutindo agbasa tọn lẹ po+ to pọmẹ hẹ nugopipe lọ nado duvivi yetọn, ewọ dona duale* etọn bosọ mọ ayajẹ sọn azọ́n sinsinyẹn etọn mẹ. Nunina Jiwheyẹwhe tọn wẹ e yin.+ 20 Na e na vẹawu dọ ewọ ni doayi* azán he e na nọgbẹ̀ na lẹ go, na Jiwheyẹwhe nugbo lọ ko yí ayajẹ ahun etọn tọn do hẹn alọnu etọn ján wutu.+