Jobu
16 Jobu sọ gblọn dọmọ:
2 “Yẹn ko sè onú ehelẹ nkọ susu wayi.
Homẹmiọnnamẹtọ he nọ hẹn awusinyẹn wá namẹ lẹ wẹ mìmẹpo!+
3 Be ohó fúsa* didọ na doalọte ya?
Etẹwẹ hẹn mì nado gblọnhona mi dole?
4 Yẹnlọsu sọgan dọho dile mìwlẹ wà do.
Eyin mìwlẹ ko tin to otẹn ṣie mẹ wẹ,*
Yẹnlọsu sọgan ko yí hogbe linlẹndiọnamẹ tọn lẹ zan sọta mì
Bo mimí ota hlan mì.+
5 Ṣigba, kakatimọ yẹn na yí ohó onù ṣie mẹ tọn lẹ do hẹn mì lodo,
Podọ homẹmimiọn nùflo ṣie lẹ tọn na hẹn kọgbọ wá.+
6 Eyin yẹn dọho, awufiẹsa ṣie ma nọ doalọte,+
Eyin yẹn masọ dọho, nawẹ awufiẹsa ṣie na depò sọ?
8 Alọ towe ko jẹ go e, bọ enẹ ko lẹzun kunnudenu de,
Sọmọ bọ gohúhú ṣie fọ́n bo to kunnude to nukọn ṣie.
9 Homẹgble etọn ko gbà mi hányán, bọ ewọ hẹn mi do homẹ.+
Ewọ nọ dù adúkúnkún do go e.
Kẹntọ ṣie nọ yí nukun etọn lẹ do sọnú mi.+
10 Yé ko kẹ̀ onù yetọn lẹ pete nado hù mi sudo,+
Bo ko sọ gbọn vlẹko dali hò alaka na mi;
Yé doawhàn do bẹ yede pli do ji e.+
11 Jiwheyẹwhe jo mi do alọ jọja sunnu lẹ tọn mẹ,
Bosọ tùn mi dlan alọ mẹylankan lẹ tọn mẹ.+
12 Blẹo mẹ wẹ yẹn te dai, ṣigba ewọ gbà mi hányán;+
E hẹn mi sọn kọ̀godo bosọ gbidi mi;
E sọ magbe nado diọnukunsọ mi.
13 Ogádetọ etọn lẹ lẹdo mi pé;+
Ewọ nọ sọnú ayi ṣie lẹ+ bo ma tlẹ nọ do awuvẹmẹ depope hia;
E sọ kọ̀n vivẹ́ he to homẹ na mi do aigba.
14 Ewọ nọ tọ́n odò de-to-deji do go e taidi do adó de go;
E nọ dlí do ji e taidi awhànfuntọ de.
15 Yẹn ko tọ̀ odẹ́vọ̀ nado sọgan ṣinyọnavọ̀na ayú ṣie,+
16 Nukun ṣie lẹ ko bia na avi wutu,+
Podọ oyẹ̀ daho* de tin to nukundama ṣie lẹ ji,
17 Mahopọnna dọ yẹn ma doalọ to danuwiwa mẹ
Bọ odẹ̀ ṣie sọ yin wiwe.
18 Aigba E, a ṣinyọnnudo ohùn ṣie blo!+
Podọ a dike gbọjẹtẹn de tin na awhágbe ṣie blo!
19 To alọnu din, kunnudetọ ṣie tin to olọn mẹ;
Mẹhe sọgan dekunnuna mi tin to oji aga.
21 Na mẹde ni dawhẹ to gbẹtọ po Jiwheyẹwhe po ṣẹnṣẹn,
Dile e nọ yin wiwà do to gbẹtọ de po hatọ etọn po ṣẹnṣẹn.+