2 Kọlintinu lẹ
5 Na mí yọnẹn dọ eyin ohọ̀* aigba ji tọn mítọn, yèdọ gòhọ ehe, wá yin hihọliai,*+ mí na wá tindo ohọ̀ de sọn Jiwheyẹwhe dè, ohọ̀ de he yè ma yí alọ lẹ do basi,+ yèdọ madopodo to olọn mẹ. 2 Na nugbo tọn, ohọ̀* ehe mẹ wẹ mí to hunwẹn te, bo to jijlo vẹkuvẹku nado ze enẹ* he yin mítọn sọn olọn* lọ do,+ 3 sọmọ bọ, to whenue mí na ko ze e do, mí ma na yin mimọ to omẹ́. 4 Na nugbo tọn, míwlẹ he to gòhọ ehe mẹ lẹ nọ wẹnhun, na mí yin agbàn do na, na míwlẹ ma jlo nado de ehe lọ dai gba, ṣigba mí jlo nado ze awetọ lọ do,+ na ogbẹ̀ nido sọgan ze dehe nọ kú lọ mì.+ 5 Todin, mẹhe wleawu mítọn dai na onú ehe lọ wẹ Jiwheyẹwhe,+ mẹhe na mí gbigbọ lọ taidi ohia nuhe na wá jọ tọn.*+
6 Enẹwutu, mí nọ gọ́ na adọgbigbo to whepoponu bo nọ yọnẹn dọ, dile e na dẹnsọ bọ fininọ mítọn na tin to agbasa lọ mẹ, mí ma tin hẹ Oklunọ,+ 7 na gbọn yise dali wẹ mí to zọnlinzin, e ma yin gbọn mimọ dali. 8 Ṣigba, mí nọ gọ́ na adọgbigbo bo ma nọ jlo nado nọ agbasa lọ mẹ ba, kakatimọ nado basi fininọ mítọn hẹ Oklunọ.+ 9 Enẹwutu, vlavo fininọ mítọn tin hẹ ẹ wẹo kavi mí ma tin hẹ ẹ, mí hẹn ẹn zun yanwle mítọn nado yin alọkẹyi to ewọ dè. 10 Na mímẹpo wẹ dona sọawuhia* to whẹdaján Klisti tọn nukọn, na mẹdopodopo nido sọgan mọ ale etọn yí sọgbe hẹ nuhe e ko wà to whenue e to agbasa mẹ lẹ, vlavo dagbe kavi oylan.+
11 Enẹwutu, to whenuena e yindọ mí tindo obu Oklunọ tọn, mí nọ to linlẹndiọna gbẹtọ lẹ, ṣigba Jiwheyẹwhe yọ́n mí ganji.* Etomọṣo, yẹn tindo todido dọ ayihadawhẹnamẹnu mìtọn ko sọ gọalọna mì nado yọ́n mẹhe nkọ mí yin ganji.* 12 Mí masọ to mídelẹ vọ́ pà hlan mì gba, ṣigba tulina mì wẹ mí te nado doawagun gando mí go, na mì nido sọgan penugo nado na gblọndo mẹhe nọ doawagun gando awusọhia gbonu tọn go lẹ+ bọ e ma yin gando nuhe to ahun mẹ go. 13 Na eyin míwlẹ hùn tadu,+ be na Jiwheyẹwhe tọn wutu wẹ; eyin míwlẹ tindo wunza, be na mìwlẹ tọn wutu wẹ. 14 Na owanyi he Klisti tindo nọ whàn mí, na ehe wẹ tadona he kọ̀n míwlẹ wá, dọ mẹdopo kú na mẹlẹpo;+ enẹwutu, mẹlẹpo ko kú. 15 Podọ ewọ kú na mẹlẹpo, na mẹhe to ogbẹ̀ lẹ ma nado nọgbẹ̀ na yede ba,+ ṣigba na mẹlọ he kú na yé bo yin finfọn.
16 Enẹwutu, bẹsọn din sọyi, mí ma nọ pọ́n mẹde hlan to agbasa-liho ba.+ Eyin mí tlẹ ko pọ́n Klisti hlan to ojlẹ de mẹ sọgbe hẹ agbasalan, e họnwun dọ mí masọ nọ pọ́n ẹn hlan domọ todin ba.+ 17 Enẹwutu, eyin mẹdepope tin to kọndopọ mẹ hẹ Klisti, ewọ yin nudida yọyọ de;+ onú hoho lẹ ko juwayi; mì pọ́n! onú yọyọ lẹ ko wá aimẹ. 18 Ṣigba, nulẹpo wẹ wá sọn Jiwheyẹwhe dè, mẹhe hẹn mí gbọwhẹ hẹ ede gbọn Klisti gblamẹ+ bo na mí lizọnyizọn whẹgbigbọ tọn,+ 19 enẹ wẹ yindọ, Jiwheyẹwhe to aihọn de hẹn nado gbọwhẹ hẹ ede gbọn Klisti gblamẹ+ bo ma nọ hia sẹ́nmẹjijẹ yetọn lẹ dokọna yé,+ podọ ewọ ze owẹ̀n whẹgbigbọ tọn lọ do alọmẹ na mí.+
20 Enẹwutu, míwlẹ wẹ afọzedaitọ lẹ+ he to otẹn Klisti tọn mẹ,+ taidi dọ Jiwheyẹwhe to vẹvẹ gbọn míwlẹ gblamẹ nkọtọn. Taidi mẹhe to otẹn Klisti tọn mẹ lẹ, mí vẹvẹ dọmọ: “Mì gbọwhẹ hẹ Jiwheyẹwhe.” 21 Mẹlọ he ma yọ́n ylando+ wẹ ewọ ko hẹn nado yin ylando* na mí, na míwlẹ nido sọgan lẹzun dodonọ to nukun Jiwheyẹwhe tọn mẹ gbọn ewọ gblamẹ.+