1 Tẹsalonikanu lẹ
2 Na nugbo tọn, mẹmẹsunnu lẹ emi, mìlọsu lẹ yọnẹn dọ dlapọn mítọn wá mì dè ma nọma tindo kọdetọn dagbe.+ 2 Na kẹdẹdile mì yọnẹn do, dile etlẹ yindọ mí ko jiya to tintan whenu bo ko yin nuyiwa hẹ po kanyinylan po to Filipi,+ mí wleawuna adọgbigbo gbọn Jiwheyẹwhe mítọn dali nado lá wẹndagbe Jiwheyẹwhe tọn+ na mì to nukundiọsọmẹ* susu mẹ. 3 Na tudohomẹnamẹ he mí na, ma wá sọn nuṣiwa kavi mawé mẹ kavi ma yin po oklọ po gba, 4 ṣigba kẹdẹdile Jiwheyẹwhe ko kẹalọyi mí nado ze wẹndagbe lọ do alọmẹ na mí do, mọ wẹ mí to hodọ do, e ma yin nado hẹn homẹhun gbẹtọ lẹ gba, adavo Jiwheyẹwhe, mẹhe nọ gbeje ahun mítọn lẹ pọ́n.+
5 Na nugbo tọn, mìwlẹ yọnẹn dọ míwlẹ ma yí pipà oklọ tọn kavi awusọhia oklọ tọn de zan gbede po mẹwhinwhàn nukunkẹn tọn lẹ po;+ Jiwheyẹwhe wẹ yin kunnudetọ ehe tọn! 6 Mọdopolọ, mí ma dín gigo sọn gbẹtọ lẹ dè, vlavo sọn mìwlẹ dè kavi sọn mẹdevo lẹ dè, dile etlẹ yindọ taidi apọsteli Klisti tọn lẹ, míwlẹ sọgan ko doagban pinpẹn na mì to akuẹzinzan-liho.+ 7 Kakatimọ, míwlẹ to dẹẹdẹ wà to ṣẹnṣẹn mìtọn, taidi lehe onọ̀ he tindo ovi to anọ́nù nọ wlebòna* ovi etọn titi lẹ do. 8 Enẹwutu, na mí tindo owanyi sisosiso na mì wutu, mí magbe* nado na mì, e ma yin wẹndagbe Jiwheyẹwhe tọn kẹdẹ gba, ṣigba mídetiti,*+ na mìwlẹ ko lẹzun mẹyiwanna na mí taun wutu.+
9 Mẹmẹsunnu lẹ emi, e họnwun dọ mìwlẹ flin tuklajẹ po magbọjẹ mítọn po. Mí nọ wazọ́n to okle po ozán po, na mí nikaa doagban pinpẹn na depope to mì mẹ to akuẹzinzan-liho+ to whenue mí dọyẹwheho wẹndagbe Jiwheyẹwhe tọn hlan mì. 10 Mìwlẹ podọ Jiwheyẹwhe lọsu ga yin kunnudetọ dọ míwlẹ do míde hia nado yin nugbonọ, dodonọ podọ mẹhe ma hùwhẹ hlan mì yisenọ lẹ. 11 Mìwlẹ yọnẹn hezeheze dọ, míwlẹ nọ to tudohomẹna mì mapote bo nọ to homẹmiọnna mì bosọ nọ to tulina dopodopo mìtọn,+ kẹdẹdile otọ́ de+ nọ wà na ovi etọn lẹ do, 12 na mìwlẹ nido nọ to zọnlinzin dile e jẹ do to Jiwheyẹwhe nukọn,+ mẹhe to mì ylọ wá Ahọluduta+ po gigo+ etọn po mẹ.
13 Na nugbo tọn, enẹwutu wẹ míwlẹ sọ nọ to pẹdona Jiwheyẹwhe mapote,+ na to whenue mì kẹalọyi ohó Jiwheyẹwhe tọn he mì sè sọn mí dè, mì kẹalọyi i, e ma yin taidi ohó gbẹtọ tọn gba, ṣigba kẹdẹdile e te do nugbonugbo, yèdọ taidi ohó Jiwheyẹwhe tọn, he sọ to azọ́nwa to mì yisenọ lẹ mẹ. 14 Mẹmẹsunnu lẹ emi, na mìwlẹ ko to hihodo apajlẹ agun Jiwheyẹwhe tọn lẹ tọn he tin to Jude bo to kọndopọ mẹ hẹ Klisti Jesu, na mì ko jiya nudopolọ lẹ tọn to alọ tòmẹnu mìtọn titi lẹ tọn mẹ+ dile yelọsu to yaji to alọ Ju lẹ tọn mẹ do ga, 15 mẹhe tlẹ hù Oklunọ Jesu+ podọ yẹwhegán lẹ bo dohomẹkẹn mí.+ Humọ, yé ma to homẹ Jiwheyẹwhe tọn hẹn hùn gba, ṣigba yé jẹagọdo nuhe yin alenu na gbẹtọ lẹpo, 16 dile yé nọ tẹnpọn nado glọnalina mí nado dọyẹwheho na omẹ akọta lẹ tọn, na omẹ ehelẹ nido sọgan yin whinwhlẹngán.+ Gbọnmọ dali, yé nọ to jlẹka ylando yetọn tọn hẹn gọ́ to whepoponu. Ṣigba, homẹgble etọn ko wá yé ji to godo mẹ.+
17 Mẹmẹsunnu lẹ emi, to whenue mí yin hinhẹn nado jo mì do na ojlẹ gli de (to agbasalan mẹ, e ma yin to ahun mítọn mẹ), na ojlo sinsinyẹn he mí tindo wutu, mí dovivẹnu lẹpo nado mọ mì nukun sọ nukun.* 18 Na ehe wutu, mí jlo nado wá mì dè, mọwẹ, yèdọ yẹn Paulu tẹnpọn, e ma yin whladopo poun, ṣigba whla awe; amọ́ Satani súali do mí. 19 Na etẹwẹ yin todido kavi ayajẹ kavi jẹgbakun aglinjijẹ tọn mítọn to Oklunọ mítọn Jesu nukọn to tintin tofi etọn whenu? Na nugbo tọn, be e ma yin mìwlẹ wẹ?+ 20 E họnwun dọ mìwlẹ wẹ gigo po ayajẹ mítọn po.