AVIGBÈ JELEMIA TỌN
א [Alẹfi]*
1 Lehe tòdaho he mẹ gbẹtọ gọ́ dai wá sinai edeṣo todin do!+
Lehe ewọ he mẹ gbẹtọ sù te hú akọta devo lẹ dai wá taidi asuṣiọsi de do!+
Lehe ewọ he ko yin ahọvi-yọnnu to ayimatẹn* lẹ ṣẹnṣẹn dai ko yin hinhẹn gánnugánnu nado nọ wazọ́n sinsinyẹn do!+
ב [Bẹti]
2 E viavi badabada to zánmẹ+ bọ dasin sà gbọn alaka etọn lẹ ji.
Dopo tata to mẹyiwanna etọn lẹ mẹ ma tin to finẹ nado miọnhomẹna ẹn.+
Gbẹdohẹmẹtọ etọn lẹpo ko klọ ẹ;+ yé ko lẹzun kẹntọ etọn lẹ.
ג [Gimẹli]
3 Juda ko yin hinhẹn yì kanlinmọgbenu+ to awufiẹsa po afanumẹ-yinyin sinsinyẹn po glọ.+
E dona nọ nọ̀ akọta lẹ ṣẹnṣẹn;+ ewọ ma mọ gbọjẹtẹn depope.
Homẹkẹndomẹtọ etọn lẹpo ko plá ẹ to ayimajai etọn mẹ.
ד [Dalẹti]
4 Aliho he yì Ziọni lẹ to aluẹmẹ, na mẹdepope ma ja hùnwhẹ lọ.+
Họngbo etọn lẹpo wẹ jẹvọ́;+ yẹwhenọ etọn lẹ to azọ̀nwẹn.
Awhli* etọn lẹ to awubla mẹ, ewọ sọ to awufiẹsa sinsinyẹn mẹ.
ה [He]
5 Kẹntọ etọn lẹ wẹ lẹzun klunọ* etọn todin; kẹntọ etọn lẹ to vivò mẹ.+
Na Jehovah ko hẹn awubla wá e ji, na sẹ́nhẹngba susugege etọn lẹ wutu.+
Ovi etọn lẹ ko yì kanlinmọgbenu to kẹntọ nukọn.+
ו [Wau]
6 Whanpẹ daho viyọnnu Ziọni tọn lẹpo ko yì sọn e dè.+
Ahọvi etọn lẹ taidi agbanlin he ma mọ kanlindugbo lẹ,
Yé sọ to zọnlinzin di mẹhe ma tindo huhlọn to homẹkẹndomẹtọ* nukọn.
ז [Zayini]
7 To ojlẹ he mẹ Jelusalẹm to awufiẹsa mẹ bo ma tindo fininọ, e flin
Nuhọakuẹ etọn he e tindo to ojlẹ hoho tọn mẹ lẹpo.+
To whenue omẹ etọn lẹ jai jẹ alọ kẹntọ tọn mẹ bọ ewọ masọ tindo alọgọtọ de,+
ח [Hẹti]
8 Jelusalẹm ko waylando sinsinyẹn.+
Enẹ wẹ zọ́n bọ e lẹzun awuhiọnu de.
Mẹhe nọ gbògbéna ẹn dai lẹpo wẹ nọ yinuwa hẹ ẹ todin po wangbẹna po, na yé ko mọ omẹ́ etọn wutu.+
Ewọ lọsu wẹnhùn+ bo lẹkọ dedo po winyan po.
ט [Teti]
9 Mawé etọn tin to yẹli etọn mẹ.+
Ewọ ma nọ lẹnnupọndo sọgodo etọn ji.
Aijijẹ etọn sẹhundaga; e ma tindo mẹde nado miọnhomẹna ẹn.
Jehovah E, pọ́n awufiẹsa ṣie, na kẹntọ ko ze ede daga.+
י [Yodi]
10 Kẹntọ ko ṣinyọ́nalọ adọkunnu etọn lẹpo ji.+
Na e ko mọ bọ akọta lẹ biọ fiwiwe etọn mẹ,+
Yèdọ yé mẹhe hiẹ dosẹ́n na ma nado biọ gbẹtọgun towe lẹ mẹ.
כ [Kafi]
11 Omẹ etọn lẹpo wẹ to azọ̀nwẹn; yé to akla dín.+
Yé ko bẹ nuhọakuẹ yetọn lẹ jo nado mọ nuhe yé na dù, na yé nido nọgbẹ̀* poun.
Jehovah E, pọ́n lehe n’ko wá tin taidi yọnnu nuvọ́nọ* de do.
ל [Lamẹdi]
12 Be e ma di nude na mì mẹhe jugbọn aliho lọ ji wá jei lẹpo wẹ ya?
Mì pọ́n bo doayi e go!
Be awufiẹsa de tin taidi dehe yin hinhẹnwa ji e wẹ,
Yèdọ dehe Jehovah hẹnwa ji e to azán adi sinsinyẹn etọn tọn gbè?+
מ [Memi]
13 Sọn oji aga wẹ ewọ ko do miyọ́n hlan ohú ṣie lẹ mẹ,+ e sọ yí huhlọn to dopodopo yetọn si.
E ko tá odọ̀ de dai na afọ ṣie lẹ; ewọ ko hẹn mi gánnugánnu nado lẹgodo.
E ko hẹn mi zun yọnnu he yin kọgbẹ́ e go de.
Azán lẹpo ji wẹ n’nọ to azọ̀njẹ.
נ [Nuni]
14 Sẹ́nhẹngba ṣie lẹ yin bibladopọ taidi zẹgẹ de, alọ etọn wẹ e yí do sìn yé dopọ.
Yé ko yin zize plá okọ̀ na mi, yé sọ húagbọ́ mi.
Jehovah ko jo mi do alọ mẹhe yẹn ma sọgan nọavùnte sọta lẹ tọn mẹ.+
ס [Samẹki]
15 Jehovah ko ze sunnu huhlọnnọ ṣie lẹpo dlan sọn dè e.+
E ko bẹ gbẹtọgun de pli do ji e nado gídí jọja sunnu ṣie lẹ.+
Jehovah ko finyọ́n awhli Juda tọn to ovẹn-finyọ́ndo mẹ.+
ע [Ayini]
16 Yẹn to avivi na onú ehelẹ wutu;+ nukun ṣie lẹ gọ́ na dasin.
Na mẹhe sọgan miọnhomẹna mi kavi fahomẹna mi* lẹpo wẹ dẹn do mi.
Visunnu ṣie lẹ yin kọgbẹ́ e go, na kẹntọ ko dudeji wutu.
פ [Pe]
17 Ziọni ko dlẹnalọ etọn lẹ;+ mẹde ma tin nado miọnhomẹna ẹn.
Jehovah ko degbena kẹntọ he lẹdo Jakọbu pé lẹpo nado yinuwa sọta ẹ.+
Jelusalẹm ko lẹzun awuhiọnu de na yé.+
צ [Tisade]
18 Dodonọ wẹ Jehovah,+ na gbedide etọn lẹ* wẹ n’ṣiatẹ sọta.+
Mì akọta lẹpo emi, mì dotó bo mọ awufiẹsa ṣie.
Awhli* ṣie lẹ po jọja sunnu ṣie lẹ po ko yì kanlinmọgbenu.+
ק [Kọfi]
19 N’dawhá ylọ mẹyiwanna ṣie lẹ, ṣigba yé ko klọ mi.+
ר [Lẹṣi]
20 Pọ́n, Jehovah E, na yẹn to ayimajai sinsinyẹn mẹ.
Homẹ* ṣie to wuwlu.
Ahun ṣie tin to awufiẹsa mẹ to ohò ṣie mẹ, na n’ko lẹzun atẹṣitọ pete.+
Ohí to mẹhù to gbonu;+ họmẹ sọ tin taidi okú.
ש [Ṣini]
21 Gbẹtọ lẹ sè azọ̀nwinwẹn ṣie; mẹde masọ tin nado miọnhomẹna mi.
Kẹntọ ṣie lẹpo ko sè gando nugbajẹmẹji ṣie go.
Yé to ayajẹ, na hiẹ wẹ hẹn ẹn wá ji e wutu.+
Ṣigba, hiẹ na hẹn azán he a lá lọ wá,+ whenue yelọsu na wá taidi yẹn.+
ת [Tau]
22 Na ylanwiwa yetọn lẹpo ni wá nukọn towe, na hiẹ nisọ yinuwa hẹ yé to aliho sinsinyẹn mẹ,+
Kẹdẹdile hiẹ ko yinuwa hẹ mi to aliho sinsinyẹn mẹ do, na sẹ́nhẹngba ṣie lẹpo wutu.
Na azọ̀nwinwẹn ṣie sù bọ ahun ṣie to azọ̀njẹ.
א [Alẹfi]
2 Lehe Jehovah ko yí aslọ súyu do ṣinyọ́n viyọnnu Ziọni tọn to homẹgble etọn mẹ do!
Ewọ ko ze whanpẹ Islaeli tọn dlan sọn olọn mẹ hlan aigba.+
Ewọ ma flin tokloafọligbe etọn+ to azán homẹgble etọn tọn gbè.
ב [Bẹti]
2 Jehovah ko ze fininọ Jakọbu tọn lẹpo mì matin awuvẹmẹ.
Ewọ ko họ́ figángán viyọnnu Juda tọn lẹ liai to adi etọn mẹ.+
E ko hẹn ahọluduta+ po ahọvi etọn lẹ po wá kọmẹ bo ko sọ hẹn yé flu.+
ג [Gimẹli]
3 E ko sán huhlọn* Islaeli tọn lẹpo liai to homẹgble sinsinyẹn etọn mẹ.
E dọ̀n adusilọ etọn dogodo to whenue kẹntọ dọnsẹpọ,+
E sọ to zoji to Jakọbu mẹ taidi miyọ́n he nọ fiọ nuhe lẹdo e pé lẹpo.+
ד [Dalẹti]
4 E ko dlẹn ogá etọn* taidi kẹntọ de; adusilọ etọn ko wleawufo taidi kẹntọ de;+
E to mẹhe yọ́npọ́n lẹpo hù mapote.+
E sọ kọ̀n adi etọn jẹgbonu do gòhọ viyọnnu Ziọni tọn mẹ+ taidi miyọ́n de.+
ה [He]
5 Jehovah ko wá tin taidi kẹntọ de;+
E ko ze Islaeli mì.
E ko ze atọ̀họ̀ etọn lẹpo mì;
E ko họ́ figángán etọn lẹpo liai.
E sọ hẹn aluẹmẹninọ po avigbè po sudeji to viyọnnu Juda tọn ṣẹnṣẹn.
ו [Wau]
6 E yinuwa hẹ gòhọ etọn to aliho sinsinyẹn mẹ+ taidi azava de to jipa de mẹ.
Ewọ ko doalọtena hùnwhẹ etọn.*+
Jehovah ko hẹn hùnwhẹ po gbọjẹzan po nado yin winwọn to Ziọni,
Podọ to homẹgble sinsinyẹn etọn mẹ, ewọ ma do lẹblanu depope hia ahọlu po yẹwhenọ po.+
ז [Zayini]
7 Jehovah ko gbẹ́ agbà etọn dai;
Ewọ ko gbẹkọ fiwiwe etọn go.+
E ko jo adó atọ̀họ̀ gángán etọn lẹ tọn do alọ kẹntọ tọn mẹ.+
Yé ko ze ogbè yetọn daga to ohọ̀ Jehovah tọn mẹ+ taidi to azán hùnwhẹ de tọn gbè.
ח [Hẹti]
8 Jehovah ko magbe nado họ́ adó viyọnnu Ziọni tọn liai.+
Ewọ ko dlẹn nujlẹkàn lọ.+
E ma dọ̀n alọ etọn dogodo nado hẹn vasudo wá.*
E sọ hẹn osla po adó po nado biọ aluẹmẹ.
Yé ko yin hinhẹn zun madogánnọ to pọmẹ.
ט [Teti]
9 Họngbo etọn lẹ ko tlọ biọ kọmẹ.+
E ko họ́ dòtin etọn lẹ liai bo ko gbà yé do flinflin.
Ahọlu etọn podọ ahọvi etọn lẹ tin to akọta lẹ ṣẹnṣẹn.+
Osẹ́n* de ma tin; yẹwhegán etọn lẹ lọsu ma tlẹ sọ nọ mọ numimọ sọn Jehovah dè ba.+
י [Yodi]
10 Mẹho viyọnnu Ziọni tọn lẹ sinai do kọmẹ bo gbọṣi abọẹ.+
Yé ba kọ́gudu do ota yetọn bosọ do odẹ́vọ̀.+
Awhli Jelusalẹm tọn lẹ ko dẹ́ ota yetọn lẹ do odò.
כ [Kafi]
11 Agbọ́ ko pé nukun ṣie lẹ nado to dasin ja.+
Homẹ* ṣie to wuwlu.
Otù ṣie ko yin kinkọnjẹgbonu do kọmẹ, na aijijẹ viyọnnu* omẹ ṣie lẹ tọn wutu,+
Na ovi po ovivu lẹ po he to didaku to tòplitẹn tòpẹvi lọ tọn lẹ wutu.+
ל [Lamẹdi]
12 Yé nọ to kinkanse onọ̀ yetọn mapote dọ, “Fie wẹ núdùdù po ovẹn po te?”+
Dile yé to didaku taidi mẹhe gbleawu to tòplitẹn tòdaho lọ tọn lẹ,
Podọ dile yé* to kúkú jei to awà onọ̀ yetọn tọn mẹ.
מ [Memi]
13 Etẹwẹ yẹn sọgan yí do na we kunnudenu,
Kavi etẹ go wẹ yẹn sọgan yí we jlẹdo, hiẹ viyọnnu Jelusalẹm tọn E?
Etẹwẹ yẹn na hẹn we sọzẹn hẹ nado miọnhomẹna we, hiẹ viyọnnu Ziọni tọn E?
Na gbakija towe gblo sọ ohù.+ Mẹnu wẹ sọgan hẹn we jẹgangan?+
נ [Nuni]
14 Numimọ lalo po ovọ́ po wẹ yẹwhegán towe lẹ mọ na we,+
Yé masọ de nuṣiwa towe gbà nado whlẹn we sọn kanlinmọgbenu yìyì mẹ,+
Ṣigba, nulila lalo po oklọ po tọn lẹ kẹdẹ wẹ yé nọ to mimọ na we.+
ס [Samẹki]
15 Mẹhe jugbọn aliji wá jei lẹpo wẹ nọ gbọn vlẹko dali hopẹ́ do ji we.+
Yé nọ gbọn nupaṣamẹ dali kẹ̀hẹli+ bo nọ mimí ota yetọn, na viyọnnu Jelusalẹm tọn wutu bosọ nọ dọmọ:
“Be ehe wẹ tòdaho he go yé nọ dọ gando dọ, ‘E yọnwhanpẹ taun bo nọ hẹn aigba blebu jaya’ ya?”+
פ [Pe]
16 Kẹntọ towe lẹpo ko kẹ̀ onù yetọn do ji we.
Yé nọ kẹ̀hẹli bo nọ dù adúkúnkún bosọ nọ dọmọ: “Mí ko ze e mì.+
Azán he míwlẹ to tenọpọn lọ die!+ E ko wá bọ mí ko sọ mọ ẹn!”+
ע [Ayini]
Ewọ ko họliai matin awuvẹmẹ.+
E ko dike kẹntọ ni jaya do ji we; ewọ ko ze huhlọn* kẹntọ towe lẹ tọn daga.
צ [Tisade]
18 Ahun yetọn dawhá hlan Jehovah, hiẹ viyọnnu Ziọni tọn E.
Gbọ dasin ni to sisà taidi tọ̀sisa to okle po ozán po.
A na dewe agbọ́ depope blo, a sọ na gbọjẹ nukun towe* blo.
ק [Kọfi]
19 Fọ́n! Dawhá to zánmẹ, yèdọ to zánmẹ jei afọnnu.
Kọ̀n ahun towe jẹgbonu taidi osin to Jehovah nukọn.
Dlẹnalọ towe lẹ hlan ẹn, na ogbẹ̀* ovi towe,
He to didaku to aliklan tòhomẹ-liho* lẹpo tọn ji na huvẹ tọn wutu lẹ.+
ר [Lẹṣi]
20 Jehovah E, pọ́n bo lẹ́ ayidonugo towe hlan mẹhe hiẹ ko yinuwa hẹ to aliho sinsinyẹn mẹ.
Be yọnnu lẹ na zindonukọn nado to kúnkan* yetọn titi lẹ dù, yèdọ ovi yetọn titi he to jogún-jogún lẹ wẹ,+
Kavi be yẹwhenọ po yẹwhegán lẹ po na yin hùhù to fiwiwe Jehovah tọn mẹ wẹ ya?+
ש [Ṣini]
21 Oṣiọ yọpọ sunnu po mẹhomẹ po tọn nọ to kọmẹ to tòhomẹ-liho lẹ ji.+
Awhli* po jọja sunnu ṣie lẹ po ko yin hùhù gbọn ohí dali.+
Hiẹ ko hù yé to azán homẹgble towe tọn gbè; hiẹ ko hù yé matin awuvẹmẹ.+
ת [Tau]
22 Hiẹ ylọ obu sọn awà lẹpo ji taidi to azán hùnwhẹ de tọn gbè.+
To azán homẹgble Jehovah tọn gbè, mẹde ma họ̀ngán kavi luntọ́n;+
א [Alẹfi]
3 Yẹn wẹ dawe lọ he jiya, na opò adi etọn tọn wutu.
2 E ko yàn mi tọ́njẹgbonu bo hẹn mi nado zinzọnlin to zinvlu mẹ kakati nido yin to hinhọ́n nù.+
3 Na nugbo tọn, alọ etọn nọ yinuwa sọta mi pludopludo to azán lẹpo gbè.+
ב [Bẹti]
4 E ko hẹn agbasalan ṣie nado lẹzun madogánnọ bo hẹn ayú ṣie wló;
E ko gbà ohú ṣie lẹ.
5 E ko dosla lẹdo mi; e ko hẹn adí vivẹ́+ po awusinyẹnnamẹ po lẹdo mi pé.
6 E ko hẹn mi gánnugánnu nado sinai to nọtẹn he dozinvlu lẹ, taidi mẹhe ko kú sọn ojlẹ dindẹn die lẹ.
ג [Gimẹli]
7 E ko do adó lẹdo mi pé bọ n’ma sọgan họ̀ngán;
E ko yí gẹdẹ gànvẹẹ tọn he pẹ̀n lẹ do blá mi.+
8 Podọ to whenue n’dawhá vẹkuvẹku na alọgọ, e gbẹkọ* odẹ̀ ṣie go.+
9 E ko yí zannu pipà lẹ do súali do mi;
E hẹn aliho ṣie lẹ gbán.+
ד [Dalẹti]
10 E nọte nado tọ̀pọwuna mi taidi beali de, yèdọ taidi kinnikinni he to fiwhiwhlá de.+
11 E ko yàn mi sọn ali ṣie lẹ ji bo tlẹ́n mi do flinflin;*
E ko hẹn mi jẹvọ́.+
12 E ko dlẹn ogá etọn* bo hẹn mi zun nuhe e jlo na de ogá do.
ה [He]
13 E ko yí ogába* he tin to ogába-hẹnnu etọn mẹ lẹ do sọnú ayi ṣie lẹ luntọ́n.
14 N’ko lẹzun aṣagbọ́nu na mẹlẹpo, yèdọ hosọ ohàn yetọn tọn to azán lẹpo gbè.
15 E ko yí onú vivẹ́ lẹ do pekọna mi bo ko sá vivẹ́ na mi pete.+
ו [Wau]
17 A tẹ̀ jijọho mi;* n’ko sọ wọn nuhe yin dagbe.
18 Enẹwutu n’dọmọ: “Whanpẹ ṣie ko dọ̀n gọna todido ṣie to Jehovah mẹ.”
ז [Zayini]
19 Flin yajiji ṣie bo flindọ n’ma tindo owhé,+ sọ flindọ n’dù vivẹ́ po adí vivẹ́ po.+
20 E họnwun dọ hiẹ* na flin bo na dẹ́ yìdo nado gọalọna mi.+
21 N’flin ehe to ahun ṣie mẹ; enẹ wẹ zọ́n bọ n’na yí homẹfa do nọte.+
ח [Heth]
23 E nọ jẹ yọyọ to afọnnu lẹpo;+ nugbonọ-yinyin towe sù.+
24 Yẹn* dọ dọ “Jehovah wẹ mimá ṣie,+ enẹ wẹ zọ́n bọ n’na yí homẹfa do nọtepọn ẹn.”+
ט [Teti]
25 Jehovah yọ́n na mẹhe tindo todido to ewọ mẹ,+ yèdọ na mẹhe* zindonukọn nado to dindin in.+
26 E yọ́n hugan nado nabọẹ bo nọtepọn*+ whlẹngán Jehovah tọn.+
27 E yọ́n hugan na sunnu de nado hẹn zẹgẹ to jọja whenu.+
י [Yodi]
28 Gbọ ewọ ni sinai edeṣo bo nabọẹ to whenue E ze agbàn do e ji.+
29 Gbọ ewọ ni kì onù etọn do kọmẹ;+ vlavo todido sọgan gbẹ́ tin.+
30 Gbọ ewọ ni lẹ́ alaka etọn na mẹhe to nuli i; gbọ e ni yin zunzun to gigọ́ mẹ.
כ [Kafi]
31 Na Jehovah ma na tùn mí dlan kakadoi.+
32 Mahopọnna dọ ewọ ko hẹn awubla wá, e nasọ do lẹblanu hia sọgbe hẹ susugege owanyi nugbo etọn tọn.+
33 Na e ma tin to ahun etọn mẹ nado sayana kavi hẹn awubla wá na visunnu gbẹtọ tọn lẹ.+
ל [Lamẹdi]
34 Nado gídí gàntọ aigba ji tọn lẹpo do afọ mẹde tọn glọ,+
35 Nado tẹ̀ whẹdida dodo mẹde to Gigogán lọ nukọn,+
36 Nado tafu mẹde to owhẹ̀ nukọn
—Jehovah ma nọ kẹalọyi onú enẹlẹ.
מ [Memi]
37 To whelọnu lo, mẹnu wẹ sọgan dọho bo hẹn ẹn di eyin Jehovah ma degbe etọn?
38 Sọn onù Gigogán lọ tọn mẹ,
Nuylankan po nudagbe lẹ po ma sọgan tọ́njẹgbonu dopọ.
39 Naegbọn mẹhe togbẹ̀ nado wule gando kọdetọn ylando etọn tọn lẹ go?+
נ [Nuni]
40 Mì gbọ mí ni gbadopọnna bo gbeje aliho mítọn lẹ pọ́n+ bosọ gbọ mí ni lẹkọ do Jehovah dè.+
41 Mì gbọ mí ni yí ahundopo do vẹ̀ Jiwheyẹwhe to olọn mẹ bo gbọ mí ni dlẹnalọ mítọn lẹ+ bosọ dọmọ:
42 “Mí ko gbàsẹ́n bo ṣiatẹ+ bọ hiẹ ma ko jona mí.+
ס [Samẹki]
43 Hiẹ ko yí homẹgble do súali do mí bọ mí ma gán dọnsẹpọ we;+
Hiẹ ko dómọna mí bo hù mi matin awuvẹmẹ.+
44 Hiẹ ko yí aslọ de do súali he wá dè we bọ odẹ̀ mítọn ma nado gbọn e mẹ luntọ́n.+
45 Hiẹ hẹn mí zun mẹhe yè gbẹdai podọ ogbó to akọta lẹ ṣẹnṣẹn.”
פ [Pe]
46 Kẹntọ mítọn lẹpo wẹ nọ kẹ̀ onù yetọn lẹ nado hù mí sudo.+
47 Obu po omọ̀ lẹ po ko lẹzun mimá mítọn,+ yèdọ gbakija po awugble po.+
48 Osin nọ sà sọn nukun ṣie lẹ mẹ mapote, na awugble viyọnnu omẹ ṣie lẹ tọn wutu.+
ע [Ayini]
49 Nukun ṣie lẹ to dasin kọ̀n mapote, yèdọ madoalọte,+
50 Kaka Jehovah do pọ́n odò hlan bo mọ sọn olọn.+
51 Nukun ṣie lẹ hẹn awubla wá na mi,* na viyọnnu tòdaho ṣie tọn lẹpo wutu.+
צ [Tisade]
52 Kẹntọ ṣie lẹ yangbé ṣie taidi ohẹ̀ de, matin whẹwhinwhẹ́n.
53 Yé ko và ogbẹ̀ ṣie sudo to odò mẹ; yé to zannu dlan do mi mapote.
54 Osin sà gbọn ota na mi, yẹn sọ dọmọ: “N’dọ̀n pete!”
ק [Kọfi]
55 Jehovah E, n’dawhá ylọ oyín towe sọn odò he siso mẹ.+
56 Sè ogbè ṣie; a sú otó towe do awhágbe alọgọ tọn ṣie blo, yèdọ awhágbe ṣie na kọgbọ.
57 A dọnsẹpọ to azán he gbè yẹn ylọ we. Hiẹ sọ dọmọ: “A dibu blo.”
ר [Lẹṣi]
58 Jehovah E, a ko yí owhẹ̀ ṣie* dọ bo fli ogbẹ̀ ṣie gọ̀.+
59 Jehovah E, a ko mọ oylan he yin wiwà do mi; jaale na mi whẹdida dodo.+
60 A ko mọ ahọsuyiyi yetọn lẹpo podọ ayiha gigẹdẹ he kàn yé te do go e lẹpo.
ש [Sin] kavi [Ṣini]
61 Jehovah E, a ko sè mẹvivlẹ yetọn lẹ podọ ayiha gigẹdẹ he kàn yé te do go e lẹpo,+
62 Yèdọ ohó he dọ agọjẹdomẹtọ ṣie lẹ te podọ nuhe yé to opá etọn de gando go e to azán lẹpo gbè.
63 Pọ́n yé; vlavo yé sinai wẹo kavi fọnṣite, yé nọ to ṣinṣàn mi kò to ohàn yetọn lẹ mẹ!
ת [Tau]
64 Jehovah E, hiẹ na suahọ yé sọgbe hẹ nuyiwa yetọn lẹ.
65 Hiẹ na hẹn ahun yetọn sinyẹn kẹdẹdi dẹ̀hodo towe sọta yé.
66 Hiẹ na dómọna yé to homẹgble towe mẹ bo na sukúndona yé sọn olọn towe glọ, Jehovah E.
א [Alẹfi]
4 Lehe sika sisẹ́, yèdọ sika dagbedagbe lọ ko kupẹ́ do sọ!+
Lehe zannu wiwe+ lọ lẹ vúnvún pé gbọn aliklan tòhomẹ-liho* lẹpo tọn ji do sọ!+
ב [Bẹti]
2 Na nuhe dù visunnu họakuẹ Ziọni tọn lẹ he họakuẹ taidi sika kinkọ̀n,
Lehe yé ko wá yin pinpọnhlan taidi okòzẹ́n,
Yèdọ alọnuzọ́n zẹ́ndotọ de tọn do sọ!
ג [Gimẹli]
3 Avún gbémẹ tọn lẹ lọsu tlẹ nọ na anọ́ ovi yetọn lẹ,
Ṣigba, viyọnnu omẹ ṣie lẹ tọn ko lẹzun kanylantọ,+ taidi ogongo lẹ to danfafa ji.+
ד [Dalẹti]
4 Odẹ́ ovi he to anọ́nù tọn tẹdo bẹ̀homẹ etọn go,* na nugbla wutu.
Ovi lẹ to núdùdù biọ,+ ṣigba mẹde ma na yé.+
ה [He]
5 Mẹhe ko nọ dù onú dojó lẹ gbọṣi huvẹ* to tòhomẹ-liho lẹ ji.+
Mẹhe awù vẹẹ ṣẹ́ṣẹ́ wẹ yè yí do plọn whẹ́n lẹ+ ko mlọn afín mẹ.
ו [Wau]
6 Yasanamẹ* viyọnnu omẹ ṣie lẹ tọn sinyẹn hú yasanamẹ Sodọmi tọn, na ylando etọn wutu,+
Yèdọ fihe yin hihọliai to ojlẹ kleun de mẹ bọ mẹde ma tin nado gọalọna ẹn.+
ז [Zayini]
7 Nazili+ etọn lẹ wé-ṣeke hú osin-agó, yé yin wewe hú anọ́sin.
Yé bia hú aṣápán; yé taidi zannu safili tọn he yin hinhẹn sẹ́ lẹ.
ח [Hẹti]
8 Awusọhia yetọn ko wá diyuu hú akán;
Yè ma nọ yọ́n yé to tòhomẹ-liho lẹ ji ba.
Ayú yetọn ko wló to ohú yetọn lẹ go;+ e ko wá tin taidi atin húhú.
ט [Teti]
9 Mẹhe yin hùhù gbọn ohí dali lẹ sọ pọnte hú mẹhe yin hùhù gbọn huvẹ dali lẹ,+
Yèdọ mẹhe yọ́ kọnyinai na huvẹ wutu lẹ, taidi mẹhe yè sọnú luntọ́n.
י [Yodi]
10 Yọnnu awuvẹmẹtọ lẹ ko yí alọ yetọn do sọakusìn ovi yetọn titi lẹ.+
Yé ko lẹzun núdùdù aluẹmẹninọ tọn yetọn to gbakija viyọnnu omẹ ṣie lẹ tọn whenu.+
כ [Kafi]
11 Jehovah ko do homẹgble etọn hia;
E ko kọ̀n adi sinsinyẹn etọn jẹgbonu.+
E sọ flọ miyọ́n de to Ziọni he fiọ dodonu etọn lẹ.+
ל [Lamẹdi]
12 Ahọlu aigba tọn lẹ po mẹhe nọ nọ̀ aigba ji lẹpo po ma yise
Dọ agọjẹdomẹtọ po kẹntọ po na biọ họngbo Jelusalẹm tọn lẹ mẹ.+
מ [Memi]
13 Ehe yinmọ na ylando yẹwhegán lẹ tọn podọ nuṣiwa yẹwhenọ lẹ tọn wutu,+
Mẹhe nọ sọ̀n ohùn dodonọ lẹ tọn dai to ṣẹnṣẹn etọn.+
נ [Nuni]
14 Yé ko flupe gbọn tòhomẹ-liho lẹ ji taidi mẹhe tọ́nnukun lẹ.+
Yé ko yin hinhẹnflu po ohùn po,+
Sọmọ bọ mẹde ma sọgan doalọ awù yetọn lẹ go.
ס [Samẹki]
15 Yé nọ dawhá hlan yé dọ, “Mì tọ́n sọn fi! Mì mawénọ lẹ! Mì tọ́n sọn fi! Mì tọ́n sọn fi! Mì doalọ mí go blo!”
Na yé masọ tindo owhé ba bo to fuflupé wutu.
Gbẹtọ lẹ ko dọ to akọta lẹ ṣẹnṣẹn dọmọ: “Yé ma sọgan nọfi hẹ mí.*+
פ [Pe]
16 Nukunmẹ Jehovah tọn ko gbà yé do;+
Ewọ ma nasọ yí nukundagbe do pọ́n yé ba.
Sunnu lẹ ma na do sisi depope hia yẹwhenọ lẹ,+ kavi do nukundagbe depope hia mẹho lẹ.”+
ע [Ayini]
17 Agbọ́ tlẹ ko pé nukun mítọn lẹ todin nado nọ to nukundo alọgọ to ovọ́ mẹ.+
Mí donukun alọgọ mapote sọn akọta de he ma sọgan whlẹn mí si.+
צ [Tisade]
18 Yé to ogbé mítọn yàn to filẹpo+ sọmọ bọ mí masọ sọgan zinzọnlin gbọn tòplitẹn mítọn lẹ ba.
Opodo mítọn ko dọnsẹpọ; azán mítọn ko vọ̀, na opodo mítọn ko wá.
ק [Kọfi]
19 Mẹhe to mọdona mí lẹ nọ yawu hú akùn lẹ to agahomẹ.+
Yé yangbé mítọn to osó lẹ ji; yé tọ̀pọwuna mí to zungbo mẹ.
ר [Lẹṣi]
20 Gbọfufu awọntinslo mítọn lẹ tọn, yèdọ mẹyiamisisadode Jehovah tọn+ ko yin wiwle to odò daho yetọn mẹ,+
Mẹhe go míwlẹ nọ dọ gando dọmọ: “Oyẹ̀ etọn glọ wẹ míwlẹ na nọ nọ̀ to akọta lẹ ṣẹnṣẹn.”
ש [Sin]
21 Viyọnnu Edomi tọn E,+ jaya bo jẹaglin, dile a tin to aigba Uzi tọn ji.
Ṣigba, kọfo lọ na yin yíyí na hiẹ lọsu ga+ bọ a na nùmú bo na do omẹ́ towe hia.+
ת [Tau]
22 Viyọnnu Ziọni tọn E, yasanamẹ na nuṣiwa towe ko wá opodo.
Ewọ ma nasọ hẹn we yì kanlinmọgbenu ba.+
Ṣigba, hiẹ viyọnnu Edomi tọn E, ewọ na lẹ́ ayidonugo etọn hlan nuṣiwa towe.
Ewọ na de ylando towe lẹ gbà.+
5 Jehovah E, flin nuhe ko jọ do mí go.
Pọ́n bo mọ winyan mítọn.+
2 Ogú mítọn ko yin yíyí na jonọ lẹ, ohọ̀ mítọn lẹ na mẹhe to jonọ-gbéji lẹ.+
3 Mí ko lẹzun tọṣiọvi lẹ; onọ̀ mítọn lẹ sọ taidi asuṣiọsi lẹ.+
4 Mí dona nọ suahọ do nù osin mítọn titi,+ podọ akuẹ wẹ mí nọ yí do họ̀ nake mítọn titi lẹ.
5 Mẹhe to mọdona mí lẹ tin to kọ̀godo na mí klikli;+
Agbọ́ ko pé mí, ṣogan yé ma na mí agbọ́ depope.
6 Mí dlẹnalọ mítọn hlan Egipti+ po Asilia+ po nado mọ núdùdù he na pé mí.
7 Tọgbo mítọn he waylando lẹ masọ tin ba, ṣigba míwlẹ wẹ dona jiya nuṣiwa yetọn lẹ tọn.
8 Devizọnwatọ lẹ wẹ to gandu do mí ji todin; mẹde ma tin nado hò mí yí sọn alọ yetọn mẹ.
9 Na ohí he to danfafa ji wutu, mí nọ ze ogbẹ̀* mítọn do owù mẹ nado dín núdùdù wá whégbè.+
10 Agbasa mítọn hùnmiyọ́n taidi zòhọ, na awufiẹsa he huvẹ hẹnwa wutu.+
11 Yé ko dowinyan* asi he to Ziọni lẹ, yèdọ awhli he to tòdaho Juda tọn mẹ lẹ.+
12 Yè nọ yí alọ ahọvi lẹ tọn dopo do plá yé do núgo,+ yè masọ nọ do sisi depope hia mẹho lẹ.+
13 Jọja sunnu lẹ nọ ze gilisé bọ yọpọ sunnu lẹ sọ nọ dahli to nake-gbàn glọ.
14 Mẹho lẹ ko yì sọn họngbo tòdaho lọ tọn kọ̀n;+ jọja sunnu lẹ masọ nọ jihàn ba.+
15 Ayajẹ ko tọ́n sọn ahun mítọn mẹ; wedudu mítọn ko sọ lẹzun aluẹmẹninọ.+
16 Jẹgbakun ko flẹ sọn ota mítọn. Dindọn na míwlẹ, na mí ko waylando!
17 Na ehe wutu, ahun mítọn to azọ̀njẹ,+
Podọ na onú ehelẹ wutu, nukun mítọn lẹ ko dózin,+
18 Na Osó Ziọni ko jẹvọ́ wutu;+ owọ̀ lẹ wẹ nọ to dindanpe gbọn e ji todin.
19 Na hiẹ tọn, Jehovah E, hiẹ sinai to ofìn ji kakadoi.
Ofìn towe sọ tin sọn whẹndo de mẹ jẹ devo mẹ.+
20 Naegbọn hiẹ do wọnji mí go kakadoi bosọ gbẹkọ mí go na ojlẹ dindẹn sọmọ?+
21 Jehovah E, hẹn mí gọwá dè we bọ míwlẹ nasọ lẹkọ do dè we sọn ojlo mẹ wá.+
Hẹn azán mítọn lẹ jẹ yọyọ taidi azán hohowhenu tọn lẹ.+
22 Ṣigba, hiẹ ko gbẹ́ mí dai petepete.
Hiẹ gbẹ́ pò to homẹgble do mí go sinsinyẹn.+
Weta 1 jẹ 4 yin avihàn lẹ he yin kinkan sọgbe hẹ wekun Heblugbe tọn lẹ, kavi to aliho debọdo-dego tọn mẹ.
Kavi “agbegbe fidugando.”
Kavi “Jọja yọnnu.”
To paa mẹ, “ota.”
Kavi “mẹgbeyantọ.”
Kavi “bo jẹaglin do e ji.”
Kavi “nido hẹn alindọn yetọn gọwá.”
Hogbe milomilo de he to alọdlẹndo Jelusalẹm.
Kavi “alindọn ṣie.”
To paa mẹ, “na onù etọn.”
Kavi “Jọja yọnnu.”
Kavi “nado hẹn alindọn yetọn gọwá.”
To paa mẹ, “Adọ̀vi.”
To paa mẹ, “azò.”
To paa mẹ, “ko tùnafọ ogá etọn ji.”
Kavi “ko và hùnwhẹ etọn sudo.”
To paa mẹ, “nado ze mì.”
Kavi “Anademẹ.”
To paa mẹ, “Adọ̀vi.”
Hogbe milomilo de wẹ ehe yin, vlavo nado do lẹblanu kavi awuvẹmẹ hia.
Kavi “alindọn yetọn.”
To paa mẹ, “azò.”
To paa mẹ, “viyọnnu nukun towe tọn.”
Kavi “alindọn.”
To paa mẹ, “to alihota.”
Kavi “sinsẹ́n.”
Kavi “Jọja yọnnu.”
Kavi “ji awuyẹyẹ-afọyẹyẹ.”
Kavi “glọnalina; suhọ̀n do.”
Kavi vlavo, “bo hẹn mi mlọnai do fie gbọgbé.”
To paa mẹ, “ko tùnafọ ogá etọn ji.”
To paa mẹ, “visunnu.”
Kavi “alindọn ṣie.”
Kavi “alindọn towe.”
Kavi “Alindọn ṣie.”
Kavi “alindọn he.”
Kavi “nado yí homẹfa do nọtepọn.”
Kavi “alindọn ṣie.”
Kavi “alindọn ṣie tọn.”
To paa mẹ, “gbọn alihota.”
Kavi “tẹdo nùmẹ to aga.”
To paa mẹ, “mlọnai to fie gbọgbé.”
To paa mẹ, “Nuṣiwa.”
Kavi “nọfi di jonọ lẹ.”
Kavi “alindọn.”
Kavi “ko yí huhlọn do zanhẹ.”