Dùvivi Ogbẹ̀ Tọn to Aigba Ji Kakadoi!

Owe pẹvi ehe yin zinjẹgbonu nado gọalona we do yọn omẹ he basi aigba lọ po onu he to e ji lẹ po. Hiẹ na plọn dọ Jiwheyẹwhe, he basi aigba lọ, tindo yinkọ de. To e mẹ mí na sọ na we zẹẹmẹ nuhewutu Jiwheyẹwhe do basi gbẹtọ podọ lehe hiẹ sọgan duvivi ogbẹ̀ tọn do to aigba ji kakadoi.

Mí to nukundo dọ yẹdide susu lẹ na gọalọna we nado mọ onú ehe lẹ dohlan ganji. Nado tindo alemọyi hugan sọn hihia owe pẹvi ehe tọn mẹ, hiẹ dona hia wefọ Biblu tọn lẹ heyin kinkan do ada yẹdide susu lẹ tọn. To alọpa ehe mẹ hiẹ na wá hia na dewe delẹ to opagbe dagbe Jiwheyẹwhe tọn lẹ mẹ he tin do Biblu mẹ podọ nuhe Jiwheyẹwhe dọ dọ hiẹ dona basi nado mọ hẹndi opagbe ehe lẹ tọn yí.

Hiẹ sọgan sọ vọ tindo ojlo nado yi owe pẹvi ehe zan do gọalọna gbẹtọ devo lẹ. Eyin hiẹ tindo ovi lẹ, hiẹ sọgan yí i zan nado gọalọna yé nado plọnnu dogbọn Jiwheyẹwhe dali. Eyin hiẹ nọ nọ̀ otò de mẹ fihe meho susu lẹ ma yọn owe hia te, hiẹ sọgan yí yẹdide lẹ zan nado gọalọna yé nado mọnukunnujẹ linlẹn Jiwheyẹwhe tọn lẹ mẹ na yelọsu ga nido sọgan gọalọna kọmẹnu yetọn lẹ.

Mí to todo vẹkuvẹku dọ oplọn nudọnamẹ ehe tọn na hùn aliho dote na we nado mọ dona susu lẹ yi, kaka jẹ didohia mẹdevo lẹ lehe yé sọgan nọgbẹ kakadoi to aigba ji do.