Etẹwẹ Hiẹ Dona Basi?
50 Be hiẹ jlo na nọgbẹ̀ kakadoi to paladisi whanpẹnọ enẹ mẹ?
Enẹwutu bo plọnnu dogọ dogbọn nuhe Jiwheyẹwhe dọ dali. Tẹnpọn nado plọn Biblu hihia.—Johanu 17:3; Osọhia 1:3
51 Plọnnu dogọ dogbọn Jesu dali.—Deutelonomi 18:18, 19; Johanu 3:16; Owalọ 3:19-23
52 Tẹnpọn nado basi onú dagbe lẹ kẹdẹ bo setonu na Jehovah.—Lomunu lẹ 6:17, 18, 22
53 Flin, Jehovah dọ dọ mí ma dona hù gbẹtọ.—Eksọdusi 20:13; 1 Johanu 3:11, 12
54 Mí ma dona ze onú he yin gbẹtọ devo lẹ tọn.—Eksọdusi 20:15; Efesunu lẹ 4:28
55 Gbẹtọ de ma dona nọ nọ̀ po kavi dọ yọnnu de dè adavo e yin asi etọn.—Eksọdusi 20:14, 17; 1 Tẹsalonikanu lẹ 4:3
56 Be hiẹ flin sọha yọnnu lẹ tọn he Jiwheyẹwhe na dotẹnmẹ asu de nado tindo? Nawẹ e na dẹn sọ bọ asu de na nọ̀ po asi etọn po?—Gẹnẹsisi 2:22, 24; Matiu 19:5, 6; 1 Kọlintinu lẹ 7:2, 10, 11
57 Flin ga dọ, mí dona sẹ̀n Jehovah kẹdẹ.—Matiu 4:10; 1 Kọlintinu lẹ 8:6
58 Boṣiọ lẹ po yẹdide lẹ po ma sọgan gọalọna mí. Etẹwutu wẹ?—1 Kọlintinu lẹ 8:4
Be e yọ́n nado tindo boṣiọ lẹ?—Deutelonomi 27:15; 1 Johanu 5:21
59 Etẹwutu e do ylan nado tindo okọganbo lẹ bo yí obó zan?—Deutelonomi 18:10-13; Osọhia 21:8
60 Angẹli ylankan kavi aovi lẹ ṣiatẹ do Jiwheyẹwhe. Yé nọ yí nukantọ lẹ zan nado klọ gbẹtọvi lẹ.—Owalọ 16:16
61 Mí dona hodẹ̀ hlan Jiwheyẹwhe. Dẹ̀hiho zẹẹmẹdo nado dọho hlan Jiwheyẹwhe, nado dọ na ẹn dọ mí jlo na sẹ̀n ẹn bo biọ alọgọ etọn.—Filippinu lẹ 4:6, 7
62 Mí dona setonu na Jesu bo yí i se.—Heblu lẹ 5:9; Johanu 3:16
63 Flin dọ e kú nado whlẹn mí gan.—Lomunu lẹ 5:8
64 Flin dọ Jesu yin ahọlu mítọn he yè ma sọgan yí nukun do mọ. Mí dona setonu na ẹn.—Filippinu lẹ 2:9-11; Osọhia 19:16
65 Jesu dọ dọ hiẹ dona dọ na mẹdevo lẹ dogbọn onú dagbe he hiẹ plọn lẹ dali podọ ehenọ he jlo na sẹ̀n Jiwheyẹwhe lẹ dona yí baptẹm.—Matiu 28:19, 20; Johanu 4:7-15
66 Enẹwutu hiẹ sọgan dọ na họntọn towe lẹ dogbọn onú dagbe helẹ dali.—Matiu 10:32
67 Eyin hiẹ plọn nado hiawe ganji, hiẹ sọgan plọn onú susu dogọ bo na penugo nado gọalọna mẹdevo lẹ ganji.—2 Timoti 2:15
68 Jesu sọ vọ́ plọn yọpọ pẹvi lẹ ga nado setonu na Jiwheyẹwhe. Alọ etọn ma ján gbede nado dọho na yé.—Matiu 19:13-15
69 Mẹjitọ lẹ dona nọ plọn ovi yetọn lẹ to whepoponu nado setonu na Jiwheyẹwhe bo yiwanna ẹn.—Deutelonomi 6:6, 7; Howhinwhẹn lẹ 6:20-22; Efesunu lẹ 6:4
70 Ṣọṣi voovo susu lẹ wẹ tin. Susu nuplọnmẹ yetọn lẹ tọn ma tọ́n sọn Biblu mẹ gba. Jehovah dọ na mí nado tọ́n sọn sinsẹ̀n he ma to nugbo lọ plọn lẹ mẹ.—Osọhia 18:4; Johanu 4:23, 24
71 Jehovah tindo gbẹtọ lẹ to aigba ji he sọgan plọn we susu dogọ dogbọn dali etọn. Be hiẹ yọn mẹhe yé yin lẹ?—Owalọ 15:14; Lomunu lẹ 10:14, 15
72 Yé yin Kunnudetọ Jehovah tọn lẹ. Yé tindo jijọho to yede ṣẹnṣẹn. Be hiẹ yọn nuhe wutu wẹ? Do yé yiwanna ode awetọ yetọn wutu wẹ.—Isaia 43:10-12; Johanu 13:34, 35
73 Do yé sọ yiwanna Jehovah wutu, yé yí baptẹm. Ehe wẹ yin alọpa he mẹ yé nọ dohia te gbangba dọ yé ko jo aliho gbẹzan ylankan yetọn lẹ tọn do bo jlo na zan gbẹzan yetọn nado sẹ̀n Jiwheyẹwhe.—Owalọ 2:41
74 Kunnudetọ Jehovah tọn lẹ to nukundo nado nọgbẹ̀ to paladisi whanpẹnọ yọyọ lọ mẹ.—Psalm 37:9-11, 29
Etẹwẹ hiẹ sọgan basi nado nọgbẹ̀ po yé po to finẹ?—Jakobu 1:22, 25; 2:20-26
75 Kọndopọ po yé po to nupinplọn nado sẹ̀n Jehovah mẹ. Yé yiwanna bo nọ setonu na Jehovah po Klisti Jesu po. Be hiẹ yiwanna yé? Be hiẹ jlo nado gọalọna mẹdevo lẹ nado yọnnuin dogbọn Jiwheyẹwhe dali?—Johanu 6:45-47
76 Jehovah po Klisti Jesu po yiwanna we bo jlo dọ hiẹ ni nọgbẹ̀ kakadoi to paladisi mẹ.—Johanu 3:16
Nuhe hiẹ plọn sọn dogbapọnna yẹdide lẹ po nudọnamẹ he to owe pẹvi ehe mẹ po na ko na we ojlo nado duvivi ogbẹ̀ tọn to aigba ji kakadoi. Eyin hiẹ jlo nado plọnnu dogọ dogbọn ehe dali, mí to ayinamẹ na dọ hiẹ ni dọho na dopo to Kunnudetọ Jehovah tọn lẹ mẹ he to okọ towe mẹ. Kavi hiẹ sọgan kanwe dohlan, kavi mẹdevo sọgan kanwe na we, hlan wekantẹn he sẹpọ fie hiẹ nọ nọ̀ hugan, taidi ehe yin didohia to todohukanji nọtẹn lẹ tọn mẹ to weda awetọ owe pẹvi ehe tọn mẹ.