Na Jọja Lẹ

Yiavùnlọna Sinsẹ̀n-Bibasi Nugbo!

Anademẹ he na yin hihodo: Wà ehe to lẹdo he ma tindo ayihafẹsẹnamẹnu depope mẹ. Dile hiẹ to wefọ lọ lẹ hia, pọ́n dewe hlan taidi mẹhe to mahẹ tindo to nujijọ lọ mẹ. Yí nukun homẹ tọn do pọ́n nujijọ lọ. Sè ogbè mẹhe to hodọ lẹ tọn. Tindo numọtolanmẹ dopolọ hẹ mẹhe tin to nujijọ lọ mẹ lẹ. Pọ́n nujijọ lọ lẹ taidi nuhe to jijọ to alọnu.

Mẹhe yin tọ́ntlọ́ngbọ́n to nujijọ lọ mẹ lẹ: Elija, Ahabi, po nudi yẹwhegán Baali tọn 450 po.

Bladopọ: Elija dohia dọ Jehovah klohugan Baali.

1 GBADOPỌNNA NUJIJỌ LỌ.—HIA 1 AHỌLU LẸ 18:17-40.

To wema devo ji, de yẹdide he do fihe a lẹndọ Elija, yẹwhegán Baali tọn lẹ, po agbà lọ lẹ po te do yedelẹ hia.

Ogbè tẹlẹ wẹ a “sè” to nujijọ zingidinọ he yin zẹẹmẹ basina to wefọ 26 jẹ 29 mẹ?

․․․․․

Numọtolanmẹ tẹ go wẹ hiẹ doayi to ogbè Elija tọn mẹ dile e to hodọna yẹwhegán Baali tọn lẹ?

․․․․․

2 DINDONANU DOGỌ.

Naegbọn Elija do tindo nuhudo adọgbigbo tọn nado dọnsẹpọ Ahabi podọ to enẹgodo nado deanana mẹtẹnpọn de he na dowinyan yẹwhegán Baali tọn kanweko susu lẹ? (Alọgọ: Hia 1 Ahọlu lẹ 18:4, 13, 14.)

․․․․․

Gbọn owe dodinnanu tọn he tin-to-aimẹ lẹ yiyizan dali, basi dodinnanu do sinsẹ̀n-bibasi hlan Baali ji. Di apajlẹ, aṣa tẹlẹ wẹ nọ zọnpọ hẹ sinsẹ̀n-bibasi enẹ? Nuyiwadomẹji tẹwẹ sinsẹ̀n-bibasi hlan Baali tindo do Islaeli ji?

․․․․․

Na hiẹ tọn, naegbọn Elija do kùn odò de lẹdo agbà Jehovah tọn bo biọ dọ yé ni kọ̀n osin do e mẹ kaka nido gọ́? _______

․․․․․

3 YÍ NUHE A PLỌN LẸ ZAN. KÀN NUHE A PLỌN LẸ DAI GANDO NUHE BỌDEGO EHELẸ GO:

Adọgbigbo he e nọ biọ nado yiavùnlọna sinsẹ̀n-bibasi nugbo.

․․․․․

Ale he mẹhe nọ do adọgbigbo mọnkọtọn hia lẹ nọ mọyi lẹ.

․․․․․

NUPLỌNMẸ DEVO.

Adà gbẹzan tọn tẹ (kavi tẹlẹ) mẹ wẹ hiẹ sọgan do adọgbigbo hia dogọ te nado yiavùnlọna sinsẹ̀n-bibasi nugbo? _______

․․․․․

4 ETẸWẸ FỌNJLODOTENA WE HUGAN TO KANDAI EHE MẸ, PODỌ ETẸWUTU?

․․․․․

Eyin hiẹ ma tindo Biblu, biọ dopo to kunnudetọ jehovah tọn lẹ si, kavi hia ẹ to ogbè he a jẹakọ hẹ de mẹ to internet ji to www.watchtower.org