“Jideji Wefinfinpọn Tọn to Wehọmẹ”

Pipli he nọ deanana wepinplọn to Canada (Le Conseil canadien sur l’apprentissage) na linlin dọ to dodinnanu he yin bibasi to Canada gando wehọmẹvi alavọ tọn 20 000 he tin to owhe tintan yetọn mẹ go de whenu, wehọmẹvi 73 to kanweko ji wẹ “yigbe dọ emi ko doalọ to wefinfinpọn he ylan taun lẹ mẹ whladopo kavi humọ to mẹtẹnpọn lẹ whenu to whenue emi gbẹ́ pò to wehọmẹ daho.” Wehọmẹ alavọ tọn de na linlin dọ sọha wefinfinpọn po nuhe wehọmẹvi devo lẹ kàn pẹpẹ vivọkan po tọn jideji jẹ 81 to kanweko ji to gblagbla owhe 2003 po 2006 po tọn mẹ. Mẹplọntọ Daho Paul Cappon he yin azinponọ pipli he yin nùdego to aga lọ tọn dọmọ: “To owhe ao he wayi lẹ mẹ, Internet po zomọ nuyọnẹn wintinwintin tọn lẹ po zọ́n bọ wefinfinpọn to wehọmẹ wá jideji to aliho ayidego tọn mẹ.”