Plidopọ Agbegbe Kunnudetọ Jehovah Tọn lẹ Tọn
‘Basi Hihọ́na Ahun Towe!’
HOSỌ VENDREDI TỌN
‘Ahun mẹ Pọ́n Wẹ Jehovah Te’—1 SAMUẸLI 16:7.
HOSỌ SAMEDI TỌN
“Sọn Susugege Nuhe Tin to Ahun mẹ lẹ Tọn mẹ Wẹ Onù Nọ Dọtọ́n”—MATIU 12:34.
HOSỌ DIMANCHE TỌN
‘Yí Ahun Lẹpo Do Sẹ̀n Jehovah’—1 OTANNUGBO LẸ 28:9.
Biblu donù ahun go nudi whla fọtọ́n. To fisusu, e ma yin ahun jọnun ji wẹ e dọhodo gba, ṣigba ahun yẹhiadonu tọn. Etẹwẹ ahun yẹhiadonu tọn nọtena? Hogbe lọ sọgan dlẹnalọdo gbẹtọ homẹ tọn mítọn, yèdọ nuhe mí nọ lẹn, numọtolanmẹ po ojlo mítọn lẹ po.
Naegbọn mí dona basi hihọ́na ahun yẹhiadonu tọn mítọn? Jiwheyẹwhe whàn Ahọlu Sọlomọni nado wlan dọmọ: “Hú whiwhla lẹpo, yí [ahun] towe whlá, na e mẹ wẹ asisa ogbẹ̀ tọn sọn.” (Howhinwhẹn lẹ 4:23) Ogbẹ̀ mítọn dintọn po todido sọgodo tọn mítọn po sinai do ninọmẹ ahun yẹhiadonu tọn mítọn tọn ji. Etẹwutu? Na Jiwheyẹwhe nọ mọ nuhe tin to ahun mítọn mẹ. (1 Samuẹli 16:7) Nukun he Jiwheyẹwhe nọ yí do pọ́n mí sinai do gbẹtọ he nkọ mí yin to homẹ, yèdọ “omẹ whiwhla ahun mẹ tọn” mítọn ji.—1 Pita 3:4.
Nawẹ mí sọgan basi hihọ́na ahun mítọn gbọn? Gblọndo kanbiọ enẹ tọn na yin hodọdeji to gigọ́ mẹ to Plidopọ Agbegbe tọn he Kunnudetọ Jehovah tọn lẹ na basi lẹdo aihọn pé bẹsọn mai 2012. Mí basi oylọna we nado wá azán atọ̀n plidopọ ehe tọn lẹpo.a Nuhe hiẹ na sè lẹ na gọalọna we nado yinuwa to aliho he na hẹn homẹ Jehovah Jiwheyẹwhe tọn hùn mẹ.—Howhinwhẹn lẹ 27:11.
[Nudọnamẹ odò tọn]
a Nado yọ́n plidopọ he sẹpọ fie a nọ nọ̀, jaale yì nọtẹn Internet tọn www.pr2711.com. Hiẹ sọ sọgan dọnsẹpọ Kunnudetọ Jehovah tọn he tin to lẹdo towe mẹ lẹ kavi kanwehlan zinjẹgbonutọ linlinnamẹwe ehe tọn lẹ.
[Asisa Yẹdide tọn to weda 32]
Photo on right: Aus dem Fundus der MÜNCHNER OLYMPIAPARK GMBH, München