Mẹsusu Ma Dejido Ṣọṣi Go Ba

Hosọ de tọ́n to linlinwe lọ The Irish Times mẹ bo dọ dọ: “Gbẹtọ susu wẹ masọ nọ dejido Ṣọṣi [Katoliki] tọn go ba.“ Linlin lọ kọ̀n Ṣọṣi Katoliki tọn dopọ hẹ titobasinanu delẹ he mẹ suhugan Irlande-nù lẹ tọn ko hẹn jidide yetọn bu te, taidi gandudu Irlande tọn po akuẹsẹdotẹn lẹ po. Mẹhe tin to otò lọ mẹ lẹ diyin dai taun na nugbonọ-yinyin yetọn na ṣọṣi, ṣigba hugan odaa mẹhe yin hokanse to dodinnanu agọe tọn de whenu lẹ tọn, yèdọ omẹ 32 to kanweko ji wẹ dọ dọ emi ma dejido ṣọṣi go “paali“ bọ omẹ 21 to kanweko ji dọ dọ emi ma dejido ṣọṣi go “sọmọ.“ Mẹsusu lẹndọ hunyanhunyan he fọ́n to ṣọṣi mẹ to agọe lẹ wẹ zọ́n bọ mẹsusu ma dejido ṣọṣi go ba.