Be Hiẹ Flin Ya?

Be a yí sọwhiwhe do hia zinjẹgbonu Atọ̀họ̀-Nuhihọ́ lọ Tọn agọe tọn lẹ ya? Eyọn, pọ́n eyin a sọgan na gblọndo na kanbiọ he bọdego helẹ:

Nawẹ mí sọgan họ́ míde sọta miyọ́n lọ he yin odẹ́ he yè ma dava gbọn?

Mí dona nọ gbeje ahun mítọn pọ́n. Kakati nado nọ mọhodọdo mẹmẹsunnu de go, naegbọn mí ma na lẹnnupọndo mẹwhinwhàn he na ko to godo na nuyiwa etọn lẹ ji? Be mí nọ mọhodọdo e go nado dohia dọ mí pọnte hugan ẹn wẹ? Humọ, homọdọdo mẹdevo lẹ go sọgan hẹn ninọmẹ de ylan dogọ.—15/8, weda 21.

Nawẹ Osẹ́n Mose tọn do pọndohlan Jiwheyẹwhe tọn gando yọnnu lẹ go hia gbọn?

Yọnnu Islaeli tọn lẹ tindo mẹdekannujẹ susu podọ yé tindo dotẹnmẹ hundote nado plọnwe. Yé dona nọ mọ gbégbò po sisi po yí podọ Osẹ́n lọ nọ basi hihọ́na jlọjẹ yetọn lẹ.—1/10, weda 5-7.

Dile azán Jehovah tọn to sisẹpọ, nujijọ tẹlẹ wẹ na wá aimẹ to madẹnmẹ?

Gbẹtọ lẹ na dawhá “jijọho po hihọ́ po” tọn. Akọta lẹ na yangbé Babilọni Daho lọ tọn bo na và ẹ sudo. Yè na yangbé omẹ Jiwheyẹwhe tọn lẹ tọn. Awhàn Amagẹdọni tọn na wá, enẹgodo Satani po aovi etọn lẹ po na yin zizedo odò mapote mẹ.—15/9, weda 4.

Ale tẹlẹ wẹ mí nọ mọyi na mí ma yọ́n whenue opodo lọ na wá wutu?

Nugbo lọ dọ mí ma yọ́n azán kavi gànmẹ lọ pẹpẹ nọ hùn dotẹnmẹ dote na mí nado do nuhe tin to ahun mítọn mẹ nugbonugbo hia. E nọ hùn dotẹnmẹ dote na mí nado hẹn homẹ Jiwheyẹwhe tọn hùn. E nọ na mí tuli nado zan gbẹzan mẹde-yido-sanvọ́ tọn bosọ nọ gọalọna mí nado nọ ganjẹ Jiwheyẹwhe go mlẹnmlẹn bo nọ yí sọwhiwhe do yí ayinamẹ he tin to Ohó etọn mẹ lẹ do yizan mẹ. Humọ, e nọ hẹn yọnbasi na mí nado plọnnu sọn whlepọn lẹ mẹ.—15/9, weda 24-25.

Mẹnu lẹ wẹ “sunwhlẹvu ṣinawe” he tin to adusilọ Jesu tọn mẹ bo yin nùdego to Osọhia 1:16, 20 mẹ nọtena?

Yé nọtena mẹho yiamisisadode lẹ to agun mẹ, podọ to aliho he gbloada mẹ, mẹho agun tọn lẹpo.—15/10, weda 14.

Sọgbe hẹ Isaia 50:4, 5, nawẹ Jesu do whiwhẹ hia gbọn?

Wefọ enẹlẹ dọ dọ mẹde he tindo “odẹ́ nuyọnẹntọ tọn . . . ma lẹgodo” kavi lẹkọ pànta fidevo. Jesu do whiwhẹ hia bo na ayidonugo sọwhiwhe tọn nuhe Otọ́ etọn plọn ẹn lẹ. Jesu yí ojlo po jejejininọ po do plọnnu sọn Jehovah dè bo yí sọwhiwhe do doayi whiwhẹ Jiwheyẹwhe tọn go dile e to lẹblanu dohia gbẹtọvi ylandonọ lẹ.—15/11, weda 11.