Nulila Lẹ
◼ Owe he na yin zizedonukọnnamẹ to janvier: Etẹwẹ Biblu Plọn Mí Taun? Eyin whétọ lẹ ko tindo owe lọ, wẹnlatọ lẹ sọgan ze owe weda 192 tọn depope kavi dehe yin zinzinjẹgbonu jẹnukọnna 1995 donukọnna yé. Février: Aṣli Ayajẹ Whẹndo Tọn, Y a-t-il un Créateur qui se soucie de vous?, kavi La Bible: Parole de Dieu ou des hommes? sọgan yin zizedonukọnnamẹ eyin yé tin-to-aimẹ. Mars: Etẹwẹ Biblu Plọn Mí Taun? Wẹnlatọ lẹ dona tẹnpọn nado bẹ plọnmẹ Biblu de jẹeji to whenuena owe ehe yin didogbonu kavi eyin whétọ lẹ ko tindo owe lọ. Avril po mai po: Ze vọkan Atọ̀họ̀-Nuhihọ́ lọ Tọn po Réveillez-vous! po tọn donukọnnamẹ. To gọyìpọn bibasi na jlodotọ lẹ whenu, dla mẹhe wá Oflin kavi nuwiwa agun lọ tọn devo tẹnmẹ ṣigba he ma ko to awukọndopọ hẹ titobasinanu lọ lẹ pọ́n, bo tẹnpọn nado ze owe Etẹwẹ Biblu Plọn Mí Taun? donukọnna yé. Yanwle lọ dona yin nado bẹ plọnmẹ Biblu de jẹeji to owe lọ mẹ. Juin: Etẹwẹ Biblu Plọn Mí Taun? Eyin whétọ lẹ ko tindo owe lọ, wẹnlatọ lẹ sọgan ze owe weda 192 tọn depope kavi dehe yin zinzinjẹgbonu jẹnukọnna 1995 donukọnna yé.
◼ Vivẹnudido nado basi nujijla plidopọ agbegbe po akọjọpli 2009 tọn lẹ po lẹdo aihọn pé to yìyì to alọnu. Wẹnlatọ lẹ na tindo dotẹnmẹ hundote lọ nado má oylọ-basinamẹwe vonọtaun de to aigba-denamẹ yetọn ji. Nujijla lọ dona yin bibasi to osẹ atọ̀n he na jẹnukọnna plidopọ he yin didena agun mìtọn lẹ mẹ.
◼ Tito-to-whinnu opli sinsẹ̀nzọn tọn to osẹ he na jẹnukọnna plidopọ agbegbe “Mì to Alihọ́!” tọn lọ mẹ sọgan yin vivọjlado nado gbadopọnna ayinamẹ po nuflinmẹ lẹ po gando plidopọ lọ yìyì go. Osun dopo kavi awe to plidopọ mìtọn godo, adà nuhudo agun tọn lẹ tọn sọgan yin yiyizan nado gbadopọnna nuagokun he wẹnlatọ lẹ mọdọ e sọgan gọalọnamẹ to lizọnyizọn lọ mẹ.
◼ Bẹsọn février, togunmẹho yọyọ na nugopọntọ lẹdo tọn lẹ na yin “Nuhe Ahọluduta Jiwheyẹwhe Tọn to Wiwà Na Mí Todin Lẹ.”
◼ Bẹsọn osẹ 1er mars 2010 tọn mẹ, owe “Etẹwẹ Biblu Plọn Mí Taun?” wẹ na yin dogbapọnna to Biblu Pinplọn Agun tọn whenu. Agun he tindo nuhudo owe ehe tọn lẹ dona zọ́n yé to nuzinzọn yetọn he na bọdego mẹ.