Be Hiẹ Ko Wleawufo Nado Jihàn Hlan Jehovah to Opli Mítọn lẹ Ji Ya?
1 Awuwiwle nado tindo mahẹ to opli mítọn lẹ mẹ nọ bẹ awuwiwle nado jihàn pipà tọn lẹ hẹn. Mí ni lẹnnupọndo ayinamẹ he bọdego ehelẹ ji.
2 Nukunnumimọjẹ Hàngbe lọ lẹ Mẹ: Wefọ he ji hosọ lọ sinai do po wefọ devo he yin sislẹ do vivọnu ohàn dopodopo tọn lẹ po nọ gọalọ nado zinnudo dodonu Owe-wiwe tọn hàngbe lọ lẹ tọn ji.
3 Ohàn lọ Pinplọn: Adà Sinsẹ̀n-Bibasi Whẹndo tọn de sọgan nọ yin yiyizan to osẹ dopodopo mẹ nado jẹakọ hẹ ohàn yọyọ lọ lẹ. Mì nọ yí nuhiho yidokanji ohàn lọ tọn he yin awuwlena na opli lẹ zan nado jihàn lọ lẹ.
4 Be hiẹ na ko wleawufo to whenuena agun lọ na jẹ ohanwe lọ Jihàn hlan Jehovah zan ji ya? Hiẹ na penugo nado wàmọ eyin a yí whenu zan nado mọnukunnujẹ zẹẹmẹ ohàn lọ lẹ tọn mẹ bosọ nọ plọn yé gbọzangbọzan.