Nulila Lẹ

◼ Owe he na yin zizedonukọnnamẹ to avril po mai po: Ze vọkan Atọ̀họ̀-Nuhihọ́ lọ Tọn po Réveillez-vous! po tọn donukọnnamẹ. To gọyìpọn bibasi na jlodotọ lẹ whenu, dla mẹhe wá Oflin kavi nuwiwa agun lọ tọn devo lẹ tẹnmẹ ṣigba he ma ko to awukọndopọ hẹ titobasinanu lọ lẹ pọ́n, bo tẹnpọn nado bẹ plọnmẹ Biblu lẹ jẹeji gbọn owe Etẹwẹ Biblu Plọn Mí Taun? yiyizan dali. Juin: Etẹwẹ Biblu Plọn Mí Taun? Eyin whétọ lẹ ko tindo owe lọ, wẹnlatọ lẹ sọgan ze owe weda 192 tọn depope kavi dehe yin zinzinjẹgbonu jẹnukọnna 1995 donukọnna yé. Juillet po août po: Depope to alọnuwe weda 32 tọn he nọ yin yiyizan to paa mẹ lẹ sọgan yin zizedonukọnnamẹ.

◼ To osẹ plidopọ agbegbe tọn, lẹdo tọn po vonọtaun po tọn lẹ mẹ, Biblu Pinplọn Agun tọn, Wehọmẹ Lizọnyizọn Yẹwhehọluduta tọn po Opli Sinsẹ̀nzọn tọn po ma na nọ tin. Enẹwutu, mí na tuli mẹlẹpo nado nọ gbadopọnna nuhe opli atọ̀n ehelẹ bẹhẹn na yede, vlavo to Sinsẹ̀n-Bibasi Whẹndo tọn whenu.

◼ Hosọ togunmẹho vonọtaun na ojlẹ Oflin 2010 tọn na yin “Jijọho po Hihọ́ Nujọnu Tọn po—Whetẹnu?”

◼ Ohanwe yọyọ lọ Jihàn hlan Jehovah dona yin mimá na wẹnlatọ lẹpo tlolo he agun mìtọn mọ ẹn yí. Mẹlẹpo dona jẹ ohàn lọ lẹ yizan ji to pọmẹ to opli he na bọdego whenu. Kakajẹ whenue ohanwe yọyọ lọ na tin-to-aimẹ to agun lẹpo mẹ, tito-to-whinnu Opli tọn he nọ tin to Lizọnyizọn Ahọluduta Tọn Mítọn mẹ na nọ bẹ ohàn awe awe hẹn: Tintan na nọ yin didesọn ohanwe yọyọ lọ mẹ bọ awetọ he to glọ̀ndo mẹ lọ na nọ yin didesọn hoho lọ mẹ.