Nulila Lẹ

◼ Owe he na yin zizedonukọnnamẹ to février: Wẹnlatọ lẹ sọgan ze dopo to owe he bọdego ehelẹ mẹ donukọnnamẹ: Aṣli Ayajẹ Whẹndo Tọn, kavi La Bible: Parole de Dieu ou des hommes? Mars: Etẹwẹ Biblu Plọn Mí Taun? Dovivẹnu vẹkuvẹku nado bẹ plọnmẹ Biblu lẹ jẹeji. Avril po mai po: Ze vọkan Atọ̀họ̀-Nuhihọ́ lọ Tọn po Réveillez-vous! po tọn donukọnnamẹ. To gọyìpọn bibasi na jlodotọ lẹ whenu, dla mẹhe wá Oflin kavi nuwiwa yẹwhehọluduta tọn devo lẹ ṣigba he ma ko to awukọndopọ hẹ agun lọ to gbesisọ mẹ lẹ pọ́n, bo tẹnpọn nado bẹ plọnmẹ Biblu jẹeji hẹ yé po owe Biblu Plọn Mí po. Juin: Etẹwẹ Biblu Plọn Mí Taun? Eyin whétọ lẹ ko tindo owe lọ, wẹnlatọ lẹ sọgan ze owe weda 192 tọn depope kavi dehe yin zinzinjẹgbonu jẹnukọnna 1995 donukọnna yé.

◼ Hosọ togunmẹho vonọtaun na ojlẹ Oflin 2011 tọn lọ wẹ: “Nunọwhinnusẹ́n Biblu Tọn lẹ—Be Yé Sọgan Gọalọna Mí Nado Pehẹ Nuhahun Egbezangbe Tọn lẹ Ya?”

◼ Opli depope ma dona yin bibasi gbọnvona opli sinsẹ̀nzọn kunnudegbe tọn to azán Oflin tọn gbè to Sẹgbe 17 avril. Agun he nọ basi opli to Sẹgbe lẹ sọgan diọ ẹ do azán devo ji to osẹ lọ mẹ. Fie agun susu nọ yí Plitẹnhọ Ahọluduta tọn dopolọ zan te bọ e na vẹawu nado diọ tito yetọn, yé sọgan jo opli gbenẹgbe tọn do. To ninọmẹ mọnkọtọn lẹ mẹ, e na yọ́n dọ whẹndo lẹ ni plọn hosọ Atọ̀họ̀-Nuhihọ́ lọ Tọn osẹ lọ tọn to pọmẹ to Sinsẹ̀n-Bibasi Whẹndo tọn whenu.