Kanbiọ He Jọja lẹ Nọ Kanse—Nawẹ Yẹn Sọgan Jihọntọn Nujọnu Tọn lẹ Gbọn? — WESẸDOTẸN INTẸNẸT JI TỌN Watchtower Tọn

Kanbiọ He Jọja lẹ Nọ Kanse—Nawẹ Yẹn Sọgan Jihọntọn Nujọnu Tọn lẹ Gbọn?

Jehovah dá gbẹtọvi lẹ po nuhudo lọ po nado tindo haṣinṣan hẹ ode awetọ podọ nado nọ jihọntọn. (Howh. 17:17; 18:1, 24) Na haṣinṣan mọnkọtọn nido hẹn ale wá na míwlẹ po mẹdevo lẹ po, mí dona nọ yí sọwhiwhe do de họntọn mítọn lẹ. (Howh. 13:20) To video lọ Les jeunes s’interrogent—comment se faire de vrais amis? [Kanbiọ He Jọja lẹ Nọ Kanse—Nawẹ Yẹn Sọgan Jihọntọn Nujọnu Tọn lẹ Gbọn?] pinpọn godo, be hiẹ sọgan na gblọndo kanbiọ he bọdego ehelẹ tọn ya?

Homẹbibiọ:

(1) Etẹwẹ họntọn nugbo de yin?

Aliglọnnamẹnu Họntọnjiji Tọn Lẹ:

(2) Eyin hiẹ nọ tindo numọtolanmẹ lọ dọ mẹdevo lẹ ma nọ dọnsẹpọ we, nawẹ hiẹ sọgan duto enẹ ji gbọn? (Flp. 2:4) (3) Naegbọn mí dona dovivẹnu nado hẹn gbẹtọ-yinyin mítọn pọnte dogọ, podọ mẹnu lẹ wẹ sọgan gọalọna mí nado wàmọ? (2 Kọl. 13:11) (4) Etẹlẹ wẹ mí sọgan wà nado jihọntọn lẹ dogọ?—2 Kọl. 6:13.

Họntọnjiji hẹ Jiwheyẹwhe:

(5) Nawẹ mí sọgan wleawuna họntọnjiji pẹkipẹki de hẹ Jehovah gbọn, podọ naegbọn vivẹnudido enẹ ma yin to ovọ́ mẹ? (Ps. 34:8) (6) Eyin mí yí Jehovah do dó họntọn vivẹ́ hugan mítọn, họntọnjiji dagbe tẹlẹ wẹ mí sọgan wleawuna hẹ mẹdevo lẹ?

Họntọn He Ma Sọgbe Lẹ:

(7) Mẹnu lẹ wẹ yin gbẹdido ylankan lẹ? (1 Kọl. 15:33) (8) Nawẹ họntọn he ma sọgbe lẹ sọgan hẹn haṣinṣan mítọn hẹ Jehovah gble gbọn?

Nujijọ Egbezangbe Tọn De:

(9) Etẹwẹ kandai Biblu tọn gando Dina go plọn mí? (Gẹn. 34:1, 2, 7, 19) (10) Whẹjijọ tẹlẹ wẹ Tara dín nado suwhẹna gbẹdido etọn hẹ jọja mayisenọ lẹ? (11) Owù tẹlẹ mẹ wẹ họntọn wehọmẹ tọn Tara tọn lẹ ze e do? (12) Naegbọn mẹjitọ Tara tọn lẹ ma doayi owù he mẹ e tin te go; ṣigba to whenue yé wá doayi nuhahun lọ go, nawẹ yé gọalọna ẹn nado vọ́ haṣinṣan etọn hẹ Jehovah jlado gbọn? (13) Nawẹ mẹmẹyọnnu gbehosọnalitọ de do ede hia nado yin họntọn nujọnu tọn de na Tara gbọn? (14) Etẹwẹ wá họnwun na Tara to godo mẹ?

Tadona:

(15) Etẹwẹ hiẹ plọn sọn video ehe mẹ? (16) Nawẹ hiẹ sọgan yí video ehe zan nado gọalọna mẹdevo lẹ gbọn?

Mì gbọ mí ni nọ de họntọn he na gọalọna mí nado jihọntọn hẹ mẹhe yiaga hugan lọ—yèdọ Jiwheyẹwhe!—Ps. 15:1, 4; Isa. 41:8.