Linlin Kunnudegbe Tọn Lẹ

To juin mẹ, mẹmẹsunnu mítọn Togo tọn lẹ gọ́ na ayajẹ taun. Mahopọnna ninọmẹ sinsinyẹn he mẹ gbẹtọ lẹ tin te to otò lọ mẹ, dopodopo wẹnlatọ 16522 lẹ tọn zan madozẹnzẹn gànmẹ 14,4 tọn nado dọyẹwheho, podọ to pọmẹ, yé do linlinnamẹwe 220442 gbonu. Ehe yin agayiyi 14 to kanweko ji yijlẹdo juin 2011 go.

To juin dopolọ mẹ, wẹnlatọ 283 he to Niger lẹ yí owe mítọn lẹ zan nado hẹn owẹ̀n Jiwheyẹwhe tọn gbayipe. Yé do owe po alọnuwe 1043 po gbonu. Humọ, linlinnamẹwe 6334 he yé dogbonu lẹ nọtena agayiyi 20 to kanweko ji yijlẹdo juin 2011 go.