Etẹwẹ Hiẹ Na Wà to Whedudu Zangbe Lẹ?

Na azọ́nwatọ susu wẹ nọ nọ̀ whégbè to azán he sinsẹ̀n kavi otò zedai nado nọ dùwhe te lẹ gbè wutu, azán enẹlẹ nọ saba yin dotẹnmẹ hundote dagbe de na mí nado dekunnu. E na yọ́n taun dọ agun lẹ ni basi tito vonọtaun lẹ nado dekunnu to azán enẹlẹ gbè. Na whétọ susu wẹ ma na yawu fọ́n to afọnnu wutu, nuyọnẹnnu wẹ e na yin nado diọ gànmẹ opli sinsẹ̀nzọn kunnudegbe tọn. Nulila de sọgan yin bibasi to Opli Sinsẹ̀nzọn tọn whenu, na agun lọ nido yọ́n tito vonọtaun depope he yin bibasi nado dekunnu to whedudu zangbe podọ nado na tuli wẹnlatọ he sọgan tindo mahẹ to tito lọ mẹ lẹpo nado wàmọ. Nugbo wẹ dọ whedudu-zan lẹ sọ nọ hùn dotẹnmẹ dote na mí nado gbọjẹ kavi penukundo tito mẹdetiti tọn lẹ go. Ṣigba, kakati nado yí azán lọ blebu do deayidai, be e ma na yọ́n dọ hiẹ ni de whenu de dovo nado yì dekunnu ya? Gbọnmọ dali, hiẹ na duvivi kọfanamẹ he mahẹ tintindo to sinsẹ̀nzọn wiwe lọ mẹ nọ hẹnwa tọn.—Mat. 11:29, 30.