Linlin Kunnudegbe Tọn Lẹ

Owhe sinsẹ̀nzọn tọn he wayi yin ojlẹ jibẹwawhé tọn dagbe de to otò he go alahọ Cameroun tọn nọ penukundo lẹ mẹ. Gabon fó owhe sinsẹ̀nzọn tọn lọ po agayiyi daho pete wẹnlatọ 3 808 tọn po, yèdọ agayiyi wẹnlatọ 2 to kanweko ji tọn yijlẹdo owhe he jẹnukọn tọn go, Guinée équatoriale fó po wẹnlatọ 1 632 po, yèdọ agayiyi 6 to kanweko ji, bọ Cameroun fó po wẹnlatọ 37 844 po, yèdọ agayiyi 2 to kanweko ji. E họnwun dọ Jehovah to okún Ahọluduta lọ tọn hẹn whẹ́n to aigba-denamẹ ehe ji.—1 Kọl. 3:6.