Nọ Yí Linlinnamẹwe Hoho lẹ Zan Ganji

Na linlinnamẹwe hoho lẹ bibẹpli kavi zizedlan ma nọ hẹn ale de wá wutu, mí dona nọ tẹnpọn nado do yé gbonu. Linlinnamẹwe dopo poun sọgan fọ́n ojlo mẹde tọn dote na nugbo lọ bo whàn ẹn nado plọnnu gando Jehovah go. (Lom. 10:13, 14) Ayinamẹ he bọdego lẹ na gọalọna mí nado nọ yí linlinnamẹwe hoho lẹ zan ganji.

• Eyin mì to yẹwhehodọ to aigba-denamẹ he ji mì ma nọ yawu wazọ́n te lẹ, a sọgan nọ jo linlinnamẹwe hoho de do na mẹhe ma to whégbè lẹ do fie mẹdevo lẹ ma na yawu mọ te.

• Eyin a to mahẹ tindo to kunnudide gbangba tọn mẹ to fie gbẹtọ lẹ to tenọpọn ahihun kavi pinpán te lẹ, nọ kanse mẹhe to finẹ lẹ eyin yé na jlo nado hia owe de, enẹgodo nọ do linlinnamẹwe hoho voovo lẹ hia yé na yé nido de dehe jlo yé.

• Eyin a yì dotowhé kavi nọtẹn mọnkọtọn devo he tin to aigba-denamẹ mìtọn ji lẹ, a sọgan biọgbè ogán lọ nado bẹ linlinnamẹwe hoho delẹ do nọtẹn tenọpọnmẹ tọn yetọn. Eyin a mọdọ linlinnamẹwe mítọn delẹ ko tin to finẹ, masọ bẹ devo lẹ do finẹ blo.

•dopo nọ tindo ojlo te lẹ ji. Be whẹndonọ wẹ ya? Be e yiwanna whẹ̀ntintọ́n wẹ ya? Be e yiwanna vounvoun lẹ wẹ ya? Pọ́n eyin hosọ he e na yiwanna de tin to linlinnamẹwe hoho lọ lẹ mẹ, bo zedonukọnna ẹn to whenue a na lẹkọyi.

• Eyin a wá mọ jlodotọ de to whenue a ko yì dín in gbọ whlasusu godo, do delẹ to linlinnamẹwe he ko tọ́n wayi lẹ mẹ hia ẹ.