Linlin Kunnudegbe Tọn Lẹ

To août he wayi, e họnwun dọ Jehovah dona lizọnyizọn mẹmẹsunnu mítọn he to Bénin po Burkina Faso po lẹ tọn. Di apajlẹ to Bénin, wẹnlatọ 11 to kanweko ji wẹ yin gbehosọnalitọ whepoponu tọn bọ sọha wẹnlatọ lẹ tọn yiaga jẹ 11 664. Humọ, nujijọ vonọtaun he dohiagona whenuho omẹ Jiwheyẹwhe tọn lẹ tọn to otò lọ mẹ wẹ plidopọ agbegbe tọn he yin bibasi to bọlu-hòtẹn daho Porto-Novo tọn; gbẹtọ 11 324 wẹ wá otẹn lọ mẹ bọ omẹ 134 yí baptẹm. Mọdopolọ to Burkina Faso, hugan wẹnlatọ 10 to kanweko ji wẹ yin gbehosọnalitọ whepoponu tọn. Otò lọ sọ jẹ agayiyi daho pete wẹnlatọ 1 629 tọn kọ̀n to août 2013.