Linlin Kunnudegbe Tọn Lẹ

Mahopọnna ninọmẹ sinsinyẹn he mẹ mẹmẹsunnu lẹ to jujugbọn to République centrafricaine, yé penugo nado basi Plidopọ Daho he yin tito-basina lẹpo to owhe sinsẹ̀nzọn 2014 tọn mẹ. To popolẹpo mẹ, omẹ 7 469 wẹ wá plidopọ lọ lẹ tẹnmẹ bọ 66 to yé mẹ yí baptẹm. Lehe yise mẹmẹsunnu po mẹmẹyọnnu ehelẹ po tọn lodo do sọ dile yé yí pinpẹn-nutọn do lẹnnupọndo owanyi nugbo he Jehovah tindo na yé ji.

To ojlẹ dopolọ mẹ, omẹ 2 100 wẹ duvivi tito-to-whinnu dopolọ tọn to Tchad, fie omẹ 18 yí baptẹm te.