Be A Sọgan Basi Zẹẹmẹ Nuyise Towe Tọn Ya?

Eyin mẹde kanse we nuhewutu a do yise dọ Jiwheyẹwhe dá nulẹ, etẹwẹ a na dọ? Nado sọgan na gblọndo he dutomẹji, a dona wà onú awe ehelẹ: Tintan whẹ́, hiẹ lọsu dona ko kudeji dọ nulẹ yin didá. (Lo 12:1, 2) Enẹgodo, a dona lẹnnupọndo lehe a na basi zẹẹmẹ nuyise towe tọn na mẹdevo do ji.—Hwh 15:28.

PỌ́N VIDEO LỌ LẸ DOTO MẸZẸTỌ DE DỌHO GANDO YISE ETỌN GO PO LẸNUNNUYỌNẸNTỌ DE DỌHO GANDO YISE ETỌN GO PO, BO PỌ́N NUHEWUTU MẸDELẸ DO YISE DỌ NULẸ YIN DIDÁ, ENẸGODO NA GBLỌNDO NA KANBIỌ HE BỌDEGO LẸ:

• 

  Naegbọn Iréne Hof Laurenceau do yise dọ Jiwheyẹwhe wẹ dá nulẹ, bọ e ma yindọ yé wá aimẹ na yede?

• 

  Naegbọn Yaroslav Dovhanych do yise dọ Jiwheyẹwhe wẹ dá nulẹ, bọ e ma yindọ yé wá aimẹ na yede?

• Nawẹ a na basi zẹẹmẹ nuhewutu a do yise dọ Jiwheyẹwhe wẹ dá nulẹ tọn na mẹde gbọn?

• Azọ́nwanu he titobasinanu Jehovah tọn wleawuna tẹlẹ wẹ to ogbè towe mẹ he a gán yizan nado kudeji dọ Jiwheyẹwhe dá nulẹ bo gọalọna mẹdevo lẹ nado wà nudopolọ?