‘Mì De Yẹwhe Jonọ Lẹpo Sẹ̀’

To ojlẹ Jakọbu tọn mẹ, Jiwheyẹwhe ma ko de osẹ́n de tọ́n gando boṣiọ-sinsẹ̀n go, etomọṣo Jakọbu yọnẹn dọ Jehovah kẹdẹ wẹ jẹna mẹdezejo mlẹnmlẹn. (Eks 20:3-5) Enẹwutu, to whenue Jehovah ko dọna Jakọbu dọ ni lẹkọyi Bẹtẹli godo, e dọna omẹ etọn lẹ nado de yẹwhe yetọn lẹpo sẹ̀. Enẹgodo, e dì yẹwhe lọ lẹ, kakajẹ tómẹnu yetọn he na ko tindo kanṣiṣa hẹ dèfinfẹ̀n lẹ ji. (Jen 35:1-4) Abajọ, homẹ Jehovah tọn do hùn do Jakọbu go.

To egbehe, nawẹ mí sọgan ze míde jo mlẹnmlẹn na Jehovah gbọn? Dopo to nuhe mí dona wà lẹ mẹ wẹ nado dapana nudepope he do kanṣiṣa hẹ boṣiọ-sinsẹ̀n kavi afinyọnnuwiwa. Mọwiwà na biọ dọ mí ni bẹ nuhe tindo kanṣiṣa hẹ afinyọn lẹpo dlan bo nọ yí sọwhiwhe do gbeje ayidedai mítọn lẹ pọ́n. Di apajlẹ, kanse dewe dọ: ‘Be n’nọ hia owe, linlinwe kavi pọ́n sinima he nọ bẹ nudelẹ hẹn taidi obló, kuvitọ kavi nuwiwa gbigbọ ylankan lẹ tọn wẹ ya? Be ayidedai ṣie lẹ nọ do nujijlẹ, bodónamẹ, kavi aṣẹtúndomẹ hia taidi aihun he ma bẹ owù hẹn lẹ wẹ ya?’ Mí dona dapana nudepope he Jehovah gbẹwanna.—Slm 97:10.

PỌ́N VIDEO LỌ “MÌ DIỌNUKUNSỌ LẸGBA,” ENẸGODO NA GBLỌNDO NA KANBIỌ HE BỌDEGO LẸ:

• 

  Nuhahun tẹwẹ plọnmẹ Biblu de he nọ yin Pẹdetin pehẹ?

• 

  Naegbọn e do yin nuyọnẹnnu nado nọ dín alọgọ mẹho lẹ tọn to whẹho he gando afinyọnnuwiwa go lẹ mẹ?

• 

  Etẹlẹ mẹ wẹ mẹhe jlo na mọ hihọ́ Jehovah tọn yí lẹ dona dealọ sọn mlẹnmlẹn?

• Afọdide nujikudo tọn tẹwẹ Pẹdetin ze?

• Aliho tẹlẹ mẹ wẹ a gán dapana nuyiwadomẹji aovi lẹ tọn te to lẹdo towe mẹ?