Mẹdekannujẹ Gbọn Jiwheyẹwhe po Klisti po Gblamẹ

Nuhahun tẹlẹ wẹ a nọ doakọnna egbesọegbesọ? Be whẹndo-tatọ́ de wẹ a yin bo dona penukundo azọngban susu go ya? Be mẹjitọ godoponọ de wẹ a yin bo dona hòkàn nado penukundo whẹndo towe go ya? Be wehọmẹvi de wẹ a yin bọ hagbẹ lẹ nọ gbidikọna we a? Be a to akọndona agbasamalo kavi yọnhowhe wẹ a? Mẹdopodopo wẹ do etọn. Podọ, Klistiani delẹ to akọndona nususu to ojlẹ dopolọ mẹ. Amọ́ mí yọnẹn dọ zande din, mí na mọ agbọ́.—2Kọ 4:16-18.

Todin whẹ́, mí yọnẹn dọ Jehovah nọ sè vivẹ́ hẹ mí. Nugbonọ-yinyin po akọndonanu mítọn po nọ hẹn homẹ etọn hùn bọ e na dona mí susugege. (Jel 29:11, 12) Jesu lọsu yọ́n oyà he ji dopodopo mítọn te. E tlẹ vọ́ jide na mí gando azọngban Klistiani tọn mítọn he mí dona hẹndi lẹ go dọmọ: “Yẹn tin po mì po.” (Mt 28:20) Sọwhiwhe yíyí do lẹnayihamẹpọn do mẹdekannujẹ he mí na tindo to Ahọluduta Jiwheyẹwhe tọn glọ ji nọ hẹn todido mítọn lodo bo nọ yidogọna gbemima mítọn nado nọ doakọnnanu. —Lo 8:19-21.

PỌ́N VIDEO LỌ DILE YUJẸHỌN LỌ TO SISẸPỌ, ZE AYIHA TOWE DO JESU JI!—DONA SỌGODO TỌN AHỌLUDUTA LỌ TỌN LẸ, ENẸGODO NA GBLỌNDO NA KANBIỌ HE BỌDEGO LẸ:

• Nawẹ gbẹtọvi lẹ jẹla sọn Jiwheyẹwhe dè gbọn, podọ etẹ mẹ wẹ e dekọtọn do?

• Sọgodo dagbe tẹwẹ to tepọn mẹhe yin nugbonọ na Jehovah lẹ?

• Etẹwẹ hẹn sọgodo dagbe enẹ yọnbasi?

• Detẹ to dona aihọn yọyọ lọ tọn lẹ mẹ wẹ a to jejeji na?