Fie Wẹ A Gán Mọ Anademẹ Dejidego lẹ Te to Egbehe?
To aihọn he to didiọ po awuyiya po ehe mẹ, nawẹ a gán kudeji gbọn dọ nudide he a nọ basi lẹ na dekọtọn do dagbe ji? Nawẹ a gán kudeji gbọn dọ nuhe nọ yin pinpọnhlan taidi nuhe sọgbe to egbehe ma na yin nuhe ma sọgbe to osọ he ja?
Biblu gán gọalọna we nado basi nudide he ma na vẹna we pọ́n gbede lẹ. Nawẹ enẹ gán yọnbasi gbọn? Mẹdatọ mítọn dè wẹ Biblu wá sọn, podọ e yọ́n nuhe na hẹn ayajẹ po hihọ́ nujọnu tọn po wá na mí.
“Ewọ ko dọ nuhe yin dagbe na we.”—Mika 6:8.
Mí gán dejido nuyọnẹn yọ́n-na-yizan he to Biblu mẹ go. Mí “sọgan ganjẹ yé go to whepoponu, yèdọ todin podọ kakadoi.”—Salmu lẹ 111:8.
Naegbọn hiẹ lọsu ma na gbadopọnna lehe Biblu gán gọalọna we do to aihọn he to didiọ hugan gbede pọ́n ehe mẹ?