Ma Ṣinyan Akọ̀ Do Jihọntọn Blo

Nuhahun Lọ

Eyin mí ma nọ jlo na dogbẹ́ hẹ mẹe go mí nọ lẹnnu agọ̀ gando lẹ, mí ma gán gọ̀n nuvẹun ma do na yé. Eyin mẹe nú yetọn nọ jẹ mítọn ji lẹ kẹdẹ wẹ mí nọ dogbẹ́ hẹ, mí gán nọ lẹndọ nue mí nọ lẹn, nue mí nọ yiwanna po nue mí nọ wà lẹ po janwẹ nọ yọ́n.

Ayinamẹ Biblu Tọn

“Mì hùn ahun mìtọn lẹ donuvo.”—2 KỌLINTINU LẸ 6:13.

Etẹwẹ wefọ lọ to pinplọn mí? Nue ahun to yinyin tofi wẹ yin nue mí nọ lẹn gando mẹdevo lẹ go kavi nukun he mí nọ yí do nọ pọ́n yé. Eyin mẹe mí má do lẹ kẹdẹ wẹ mí nọ yiwanna, mí na sú ahun mítọn do mẹe pò le. Enẹwutu, nujọnu wẹ e yin dọ mí ni plọn nado nọ jihọntọn hẹ mẹ voovo lẹ.

Dagbe He A Na Mọ Eyin A Ma Nọ Sú Ahun Towe

Eyin mí nọ jẹakọ hẹ mẹlẹ, mí na nọ mọnú zẹ̀ nue yé yí do gbọnvona mí lẹ go. Whenue mí wá vẹ́ po yé po, mí na mọdọ mẹdopolọ lẹ wẹ mí yin. Mí nọ lẹzun họntọn-họntọn bọ nú yetọn nọ duahunmẹna mí.

Nue Nazaré wá mọ niyẹn. Nú jonọ lẹ tọn ma nọ jẹ etọn ji. Amọ́, e wá dọ nue gọalọna ẹn nado diọ: “N’nọ wanu dopọ hẹ yé bo nọ wazọ́n dopọ he yé. Nue n’wá mọ gbọnvo pete na nue n’nọ sè dai gando yé go. Eyin a nọ tẹnpọn bo nọ jihọntọn hẹ mẹhe wá sọn akọ̀ devo mẹ lẹ, a maa sọ nọ lẹnnu agọ̀ gando yé go ba, a na wá yiwanna yé.”

Nue A Gán Wà

Tẹnpọn bo jẹakọ hẹ mẹhe wá sọn otò kavi akọ̀ devo mẹ lẹ. Di apajlẹ:

• A gán kannu delẹ biọ yé nado yọ́n yé dogọ.

• A gán bayi tito na mì nido dùnú dopọ.

• Nọ tẹ́tó to whenue yé to tànpìn nado yọ́n nue yé ma nọ yí do nọ daihun lẹ.

Eyin a mọnukunnujẹ ninọmẹ yetọn po nue mẹ yé ko jugbọn lẹ po mẹ, enẹ gán gọalọna we nado nọ lẹnnu dagbe gando akọ̀ yetọn go.