Nado Gbọṣi Họntọn mẹ, Hiẹ Dona Yin Họntọn De

Họntọnjihẹmẹ sinai do owanyi ji. Lehe hiẹ plọnnu dogbọn Jehovah dali yinukọn sọ, mọwẹ owanyi towe hlan ẹn na siso do. Dile owanyi towe na Jiwheyẹwhe siso, ojlo towe nado sẹ̀n ẹn nasọ siso ga. Ehe na whàn we nado lẹzun devi Jesu Klisti tọn. (Matiu 28:19) Gbọn awukọndopọ hẹ whẹndo ayajẹnọ Kunnudetọ Jehovah Tọn lẹ ehovah tọn lẹ tọn dali, hiẹ sọgan tindo numimọ họntọnjihẹmẹ Jiwheyẹwhe tọn kakadoi. Etẹwẹ hiẹ dona wà?

Hiẹ dona do owanyi towe na Jiwheyẹwhe hia gbọn tonusisena osẹ́n etọn lẹ dali. “Na ehe wẹ owanyi Jiwheyẹwhe tọn, dọ mí ni yìn osẹ́n etọn: osẹ́n etọn ma sọ yin nupẹ̀nagbànmẹ gba.”—1 Johanu 5:3.

Yí nuhe hiẹ plọn lẹ do yizan mẹ. Jesu dọ otàn de he do ehe hia. Dawe nuyọnẹntọ de gbá ohọ̀ etọn do osé ji. Dawe nulunọ de gbá ohọ̀ etọn do tọkẹ́n ji. To whenuena oyujẹhọn daho wá, ohọ̀ heyin gbigbá do osé ji lọ ma họ́ gba, ṣigba ohọ̀ heyin gbigbá do tọkẹ́n ji lọ họ́jai bo gidi. Jesu dọ dọ mẹhe sè nuplọnmẹ etọn lẹ bo basi yé taidi dawe nuyọnẹntọ lọ he gbá ohọ̀ etọn do osé ji. Ṣigba mẹhe dotoai hlan nuplọnmẹ etọn lẹ bo ma basi yé taidi dawe nulunọ lọ he gbá ohọ̀ do tọkẹ́n ji. Dawe tẹwẹ hiẹ jlo na di?—Matiu 7:24-27.

Klandowiwe. Ehe biọ dọ hiẹ na yì Jehovah dè to odẹ̀ mẹ bo na dọna ẹn dọ hiẹ jlo nado wà ojlo etọn kakadoi. Ojlo Jiwheyẹwhe tọn wiwà dohia dọ hiẹ yin devi Jesu Klisti tọn.—Matiu 11:29.

Baptẹm. “Yè ni baptizi we, bo klọ́ ylando towe lẹ sẹ̀, bosọ to oyín Oklunọ tọn ylọ.”—Owalọ lẹ 22:16.

Tindo mahẹ gigọ́ to Jiwheyẹwhe sinsẹ̀n mẹ. “Nudepope he mì to wiwà, mì nọ yí ayiha dodo do wà ẹ, kẹdẹdi hlan [Jehovah], e ma yin hlan gbẹtọ gba.”—Kọlọsinu lẹ 3:23.