Jehovah Wẹ Fibẹtado Mítọn

1. Jehovah, bẹtẹn mítọn,

He go mí dejido.

’Yẹ̀ etọn wẹ hihọ́tẹn,

He glọ mí dona nọ.

Na e na yiavunlọna mí,

Mí gan ganjẹ huhlọn ’tọn go.

Jehovah wẹ figángán,

E nọ họ́ nugbonọ lẹpo.

2. Fọtọ́n lẹ gan t’aijẹ

T’adà t’we mẹ pẹpẹ;

Topọ hẹ nugbonọ lẹ,

A na to vivò mẹ.

Hiẹ ma na sisọ na obu,

Di mẹhe tin to owù mẹ.

Nukun t’we na mọ poun dọ,

Hiẹ tin t’awà Jẹwhe tọn glọ.

3. Jehovah na nọ họ́ we

Sọn omọ̀ lẹpo mẹ,

Hiẹ ma na gbọjọ gbede

Na ’bu, wubla wutu.

Hiẹ ma na dibuna kinni;

A na z’afọ do odàn ji.

Jehovah, bẹtẹn mítọn,

E nọ họ́ mí whepoponu.