Dagbe Tẹlẹ Wẹ Okú Jesu Tọn Wà Na We?

Jesu kú, na mí nido sọgan mọ ogbẹ̀. Johanu 3:16

Azán atọ̀n to okú Jesu tọn godo, yọnnu delẹ wá yọdò etọn kọ̀n bo ma mọ nudepope. Jehovah ko fọ́n Jesu sọnku.

Enẹgodo, Jesu sọawuhia apọsteli etọn lẹ.

Jehovah ma na Jesu agbasa gbẹtọ tọn de gba, ṣigba e na ẹn agbasa yọyọ de taidi angẹli lẹ tọn. Mẹhe nọ zọnpọ hẹ Jesu delẹ, yèdọ devi etọn lẹ, mọ ẹn to whenue e hẹji jei olọn mẹ.

Jiwheyẹwhe fọ́n Jesu sọnku bo yí i do basi Ahọlu Ahọluduta Jiwheyẹwhe tọn. Daniẹli 7:13, 14

Jesu yí ogbẹ̀ ede tọn do sanvọ́ nado sọgan whlẹn gbẹtọ lẹ. (Matiu 20:28) Gbọnmọ dali, Jiwheyẹwhe hẹn ẹn yọnbasi na mí nado nọgbẹ̀ kakadoi.

Jehovah de Jesu taidi Ahọlu nado dugán do aigba ji. Omẹ nugbonọ 144 000 he yin finfọn sọn aigba ji nado nọgbẹ̀ to olọn mẹ lẹ na dugán hẹ ẹ. Jesu po omẹ 144 000 lẹ po na wleawuna gandudu de to olọn mẹ—yèdọ Ahọluduta Jiwheyẹwhe tọn.—Osọhia 14:1-3.

Ahọluduta Jiwheyẹwhe tọn na hẹn aigba zun paladisi. Awhàn, sẹ́nhẹngba, ohẹ́n po huvẹ po ma na tin ba. Gbẹtọ lẹ na tindo ayajẹ.—Psalm 145:16.