Ohàn 153
153 Na E Nọ te Na We?
Na e nọ te na we
yin a to yẹwhehodọ,
Yin a wà nue go a pé
nado jẹ mẹlẹ dè?
A yí adà t’we wà
bo jo de’e pò do na Jah.
Ewọ nọ mọ ahun mẹ,
E na dọ̀n mẹhe jẹ.
(HÀNGBÈPLI)
E nọ vivi, mí nọ jaya
nado ze míde jo pete.
Avọ́sinsan pipà tọn ’he
dona zindonukọn.
Na e nọ te na we
yin ohó t’we dọ̀n mẹlẹ,
Mẹhe ninọmẹ yetọn
jẹna ’gbẹ̀ mavọ lẹ?
Mẹdelẹ nọ gbẹ́ mí,
mẹdevo lẹ nọ buali.
Ṣo mí nọ jaya nado
do ’yín Jah tọn to ’ta.
(HÀNGBÈPLI)
E nọ vivi, mí nọ jaya
nado ze míde jo pete.
Avọ́sinsan pipà tọn ’he
dona zindonukọn.
Na e nọ te na we
Yin a mọ alọ Jah tọn,
Bo flindọ ewọ wẹ de
azọ́n ehe na mí?
Nọ doawagun t’e mẹ,
nọ dọho p’adọgbo po,
Amọ́ wà dẹẹdẹ hẹ yé;
azọ́n lọ na fó din.
(HÀNGBÈPLI)
E nọ vivi, mí nọ jaya
nado ze míde jo pete.
Avọ́sinsan pipà tọn ’he
dona zindonukọn.
(Sọ pọ́n Owalọ 13:48; 1 Tẹs. 2:4; 1 Tim. 1:11.)