“Jehovah Wẹ Lẹngbọhọtọ Ṣie”

1. Jẹwhe wẹ Lẹngbọhọtọ ṣie;

Ewọ wẹ n’na nọ hodo.

E yọ́n nuhe to ahun ṣie mẹ;

E yọ́n nuhudo ṣie lẹ.

E sọ nọ plan mi nado yì

Fihe amakikọ te.

’Wanyi wẹ e do nọ deanana mi

Yì fihe n’na gbọjẹ te.

’Wanyi e do nọ deanana mi

Yì fihe n’na gbọjẹ te.

2. Kọfanamẹ tin to dè we,

Dodo wẹ ali t’we lẹ.

Jaale, na yinkọ towe wutu,

A dike n’danbú blo.

Yin aglọpò t’we to finẹ,

Bọ yẹn tlẹ to zinvlu mẹ,

Yẹn ma na dibuna nudepope,

Na Họntọn ṣie wẹ hiẹ yin.

Yẹn ma na dibuna nude nẹ,

Na Họntọn ṣie wẹ hiẹ yin.

3. Jehovah, Lẹngbọhọtọ ṣie;

Hiẹ wẹ yẹn na nọ hodo.

A hẹn mi lodo t’awà t’we mẹ;

Nude masọ whèdo mi.

Dile hiẹ togbẹ̀, Jehovah,

Todido ṣie ko họnwun.

Na ’wanyi nugbo t’we ni hodo mi

To gbẹzan ṣie lẹpo mẹ.

’Wanyi nugbo t’we ni hodo mi

To gbẹzan ṣie lẹpo mẹ.