Tindo Mahẹ to Jibẹwawhé lọ mẹ po Ayajẹ Po

1. Ojlẹ jibẹwawhé tọn lọ die;

Lẹblanulọkẹyi tẹ die!

Mì pọ́n le likun lọ ko bia do!

Mì gbọ mí ni jẹ azọ́n ji.

Jesu, apajlẹnọ mítọn wẹ

To anadena azọ́n lọ,

Dona nankọ die nado wazọ́n hẹ’ẹ

To jibẹwawhé-zọ́n lọ mẹ!

2. ’Wanyi na Jah po kọmẹnu po

Wẹ nọ whàn mí nado yawu.

Mí dona yawu plọnnu mẹlẹ,

Na opodo lọ ko sẹpọ.

Jehovah sọ nọ yí ayajẹ

Do dona mí t’azọ́n lọ mẹ.

Kakajẹ whenue azọ́n lọ na fó

Gbọ mí ni do mahẹ t’e mẹ.