Lá Wẹndagbe Lọ

1. Na ’jlẹ dindẹn, nugbo Họl’du lọ tọn ko whlá.

Todin, mẹhe Ahọlu lọ yin wá họnwun.

Jẹwhe desọn ’wanyi po lẹblanu po mẹ

Bo hò mí gbẹtọvi ylandonọ lẹ tọn pọ́n.

E magbe dọ Ovi etọn na wá dugán;

To ’jlẹ sisọ Jẹwhe tọn mẹ,

gandudu lọ bẹ.

Nado mọ asiyọyọ de na ’Vi etọn,

E doyẹyigona lẹngbọpa pẹvi de.

2. Jehovah ko dọ jẹnukọn dọ to egbé,

Wẹndagbe lọ na yin lilá gbọn filẹpo.

Po ’yajẹ po, angẹli lẹ t’azọ́nwa ga

Bo t’alọgọna mí nado lá nugbo lọ.

Lẹblanulọkẹyi he mí do todin wẹ

Nado klọ́ ’yín Jah tọn wé

bosọ pagigon’ẹn.

Yẹyi nankọ die nado yin Kunnudetọ

Bo to wẹndagbe madopodo lọ lá pé!