Mì Nọ Na Tuli Ode Awetọ

1. Le mí to tulina mínọzo

Nado yin nugbonọ na Jah,

’Wanyi mítọn nọ lodo dogọ;

Mí nọ nọpọ́ jijọho mẹ.

’Wanyi he tin to ṣẹnṣẹn mítọn

Nọ hẹn mí doakọnnanu.

Bẹtẹn de wẹ agun mítọn yin,

Fie mí sọgan mọ hihọ́ te.

2. Ohó he wá to ’jlẹ dagbe mẹ,

Lehe e nọ yọ́nsè do sọ!

Ohó mọnkọ wẹ mí nọ sè sọn

Họntọn vivẹ́ mítọn lẹ dè.

Le azọ́nwiwa hẹ mẹhe do

Yanwle dopolọ lẹ yọ́n sọ!

Mí na nọ hẹn mínọzo lodo

Bo nọ gọalọna míde.

3. Le mí gbọn yise dali mọdọ

Azán Jah tọn to sisẹpọ,

Mí do nuhudo opli lẹ tọn

Nado gbọṣi ali lọ ji.

To pọmẹ hẹ omẹ Jah tọn lẹ,

Mí jlo na to sinsẹ̀n zọnmii.

Enẹwutu, mí ni na tuli

Mínọzo nado nọtegli.