OHÀN 92
Nọtẹn de He Oyín Towe Tin to E Ji
Zinjẹgbonu
1. Gbégbò nankọ die, ’Tọ́ Jehovah,
Nado gbá nọtẹn de na we!
Mí jaya do ze’e wá nukọn t’we
Nado pagigona ’yín t’we.
Nudepope he míwlẹ na we,
Alọ t’we mẹ wẹ e wá sọn.
Nugopipe, nutindo mítọn,
Mí jaya nado ze yé jo.
(HÀNGBÈPLI)
Mí ze nọtẹn ehe na we,
E ni ze yinkọ t’we sù.
Mí klan nọtẹn ehe na we;
Jaale, gbọ ni yin towe.
2. Otọ́, mí na nọ gbògbéna we
Bo pà we to ’họ̀ ehe mẹ.
Mẹhe to ’Hó t’we plọn lẹ ni sù
Bo yidogọna gigo t’we.
Mí magbe nado penukundo
Sinsẹ̀n-basitẹn ehe go.
Na e ni to kunnude zọnmii,
Gọna owẹ̀n he lá mí te.
(HÀNGBÈPLI)
Mí ze nọtẹn ehe na we,
E ni ze yinkọ t’we sù.
Mí klan nọtẹn ehe na we;
Jaale, gbọ ni yin towe.
(Sọ pọ́n 1 Ahọ. 8:18, 27; 1 Otàn. 29:11-14; Owalọ 20:24.)