“Yẹn Na . . . Ṣinyan Mì Pli”—Opagbe Hẹngọwa Sinsẹ̀n-Bibasi Wiwe-Ṣeke Tọn

Islaeli ko vúnvún pé—atẹṣiṣi ko hẹn pọninọ etọn gble pete. E to kọdetọn ylankan nuyiwa etọn lẹ tọn gbẹ̀n; e ko hẹn sinsẹ̀n-bibasi wiwe-ṣeke flu bo kọnmasin do oyín Jiwheyẹwhe tọn go. To ninọmẹ todido matindo tọn enẹ mẹ, Jehovah whàn Ezekiẹli nado dọ dọdai debọdo-dego delẹ he namẹ todido. Gbọn hogbe nuyijlẹdonugo tọn he fọnjlodotenamẹ lẹ po numimọ jiawu lẹ po yiyizan dali, Jehovah na tuli, e ma yin Islaelivi he to kanlinmọgbenu lọ lẹ kẹdẹ, ṣigba mẹhe to nukundo hẹngọwa sinsẹ̀n-bibasi wiwe-ṣeke tọn vẹkuvẹku lẹpo.