Nudọnamẹ Na Plidopọ-Watọ Lẹ

AISINNUNAMẸTỌ LẸ Aisinnunamẹtọ lẹ yin azọ́ndena nado gọalọna we. Jaale kọngbedopọ hẹ yé to gigọ́ mẹ gbọn gbeyiyi na anademẹ yetọn dali na nuhe dù fie yè na glin mọto do, anadidena gbẹtọgun lẹ, aisinnu lẹ yíyí dai po whẹho devo lẹ po.

AISINSIN Jaale nọ hò mẹdevo lẹ tọn pọ́n. Flindọ, aisinnu lẹ sọgan yin yíyí dai na mẹhe zingbejizọnlin hẹ we to mọto towe mẹ, mẹhe nọ nọ̀ owhé dopolọ gbè hẹ we, kavi mẹhe a to Biblu plọn hẹ to alọnu lẹ kẹdẹ. Jaale ma jo nulẹ do aisinnu he lẹdo we lẹ ji blo.

AMASIN-HỌSA Jaale hẹn do ayiha mẹ dọ nujijọ ajiji lẹ kẹdẹ wẹ ehe tin na.

BAPTẸM Aisinnu he to nukọn oplò lọ tọn lẹ na yin jijodo na mẹhe jlo na yí baptẹm lẹ, adavo anademẹ devo yin nina. Mẹhe jlo na yí baptẹm lẹ dona ko yì sinai do finẹ jẹnukọnna bẹjẹeji hodidọ baptẹm tọn to Sibigbe afọnnu. Mẹdopodopo dona hẹn awusúnsúnvọ̀ po tọlẹwu jlẹkaji tọn de po wá.

HINHẸNBU PO MIMỌYI PO Nudepope he yè ma yọ́n klunọ etọn dona yin hinhẹn sọyi Onú Búbú Họsa. Eyin hiẹ hẹn nudepope bu, yì azọ́nwatẹn ehe bo yì pọ́n nuhe a hẹnbu lọ. Ovi he danbú sọn mẹjitọ yetọn dè lẹ dona yin hinhẹn yì azọ́nwatẹn ehe. Ṣigba, nado dapana flumẹjijẹ he ma yin dandan tọn, jaale penukundo ovi towe lẹ go bo hẹn yé do dewe dè.

NUNINA LẸ Akuẹ susu wẹ nọ yin zinzan nado wleawuna aisinnu he pemẹnu lẹ, zomọ gbèzeyiaga tọn lẹ, nuhe nọ hò video lẹ gọna nususu devo lẹ he nọ zọ́n bọ plidopọ lọ nọ yin awuvivinu bo nọ gọalọna mí nado dọnsẹpọ Jehovah dogọ. Nunina sọn ojlo mẹ wá towe lẹ nọ gọalọ nado penukundo akuẹzinzan ehelẹ po azọ́n lẹdo aihọn pé tọn po go. Nado hẹn ẹn bọawu na we, apotin nunina tọn he yin hiadogona to aliho he họnwun mẹ lẹ tin lẹdo plitẹnhọ lọ pé. Mì sọgan sọ basi nunina to Intẹnẹt ji gbọn donate.jw.org yiyizan dali. Mí yọ́n pinpẹn nunina lẹpo tọn taun. Hagbẹ Anademẹtọ lọ jlo nado dọnudo mì na godonọnamẹ alọtútlú tọn mìtọn na nuhe gando Ahọluduta lọ go lẹ.

SINSẸ̀NZỌN MẸDEZEJO TỌN Eyin hiẹ jlo na gọalọ to azọ́n he gando tito plidopọ lọ tọn go lẹ mẹ, jaale bo yì Azọ́nwatẹn Nudọnamẹ po Sinsẹ̀nzọn Mẹdezejo po Tọn.