HODỌDOPỌ DE BIBẸJẸEJI
NUPINPLỌN 5
Zinzin
Nunọwhinnusẹ́n: “Mì gbọ ohó mìtọn ni nọ gọ́ na ojọmiọn . . . to whepoponu.”—Kol. 4:6.
Nuhe Paulu Wà
1. Pọ́n VIDEO lọ, kavi hia Owalọ lẹ 17:22, 23. Enẹgodo, lẹnnupọndo kanbiọ he bọdego lẹ ji:
Numọtolanmẹ tẹwẹ Paulu tindo gando aṣa sinsẹ̀n lalo tọn he e mọ to Atẹni lẹ go?—Pọ́n Owalọ lẹ 17:16.
Kakati Paulu ni gblewhẹdo Atẹninu lẹ, nawẹ zinzin gọalọna ẹn nado yí nuyise yetọn lẹ do lá wẹndagbe na yé gbọn?
Etẹwẹ Nuyiwa Paulu Tọn Ehe Plọn Mí?
2. Gbẹtọ lẹ nọ yin whinwhàn dogọ nado dotó mí eyin mí nọ yí sọwhiwhe do de nuhe mí na dọ, gọna lehe po whenue mí na dọ ẹ do po.
Hodo Apajlẹ Paulu Tọn
3. Nọ de hogbe he na dọ̀nmẹ lẹ. Di apajlẹ, eyin a to hodọna mẹde he ma jẹakọ hẹ sinsẹ̀n Klistiani tọn, e gán biọ dọ a ni diọ aliho he mẹ a nọ donù Biblu go kavi nọ yí yinkọ Jesu tọn zan to hodidọ towe lẹ mẹ te.
4. Ma nọ yawu vọ́ nuhe mẹde dọ jlado blo. Dike mẹlọ ni dọ linlẹn etọn po awuvivo po yità. Eyin e dọ nude he jẹagọdo nuplọnmẹ Biblu tọn lẹ, dava dewe ma nado dọnnu hẹ ẹ. (Jak. 1:19) Eyin a dotoaina ẹn, a na mọnukunnujẹ linlẹn etọn mẹ to gigọ́ mẹ.—Howh. 20:5.
5. Nọ kọngbedopọ hẹ mẹlọ bo nọ pà ẹ to fie e yọnbasi te lẹ. Vlavo e yise po ahundopo po dọ nuyise sinsẹ̀n etọn tọn lẹ wẹ sọgbe. Tẹnpọn nado dọho hẹ ẹ jẹnukọn do nuhe ji mì na kọngbedopọ do lẹ, bọ enẹgodo a gán gọalọna ẹn vudevude nado wá mọnukunnujẹ nuhe Biblu plọnmẹ lẹ mẹ.