HODỌDOPỌ DE BIBẸJẸEJI
NUPINPLỌN 6
Adọgbigbo
Nunọwhinnusẹ́n: “Mí wleawuna adọgbigbo gbọn Jiwheyẹwhe mítọn dali nado lá wẹndagbe . . . na mì.”—1 Tẹs. 2:2.
Nuhe Jesu Wà
1. Pọ́n VIDEO lọ, kavi hia Luku 19:1-7. Enẹgodo, lẹnnupọndo kanbiọ he bọdego lẹ ji:
Etẹwẹ gán ko zọ́n bọ mẹdelẹ ma nọ jlo na wanu dopọ hẹ Zaṣe?
Depope he whẹho lọ yin, etẹwẹ whàn Jesu nado lá wẹndagbe lọ na ẹn?
Etẹwẹ Nuyiwa Jesu Tọn Ehe Plọn Mí?
2. Mí do hudo adọgbigbo tọn nado lá owẹ̀n Ahọluduta lọ tọn na gbẹtọ lẹ matin mẹnukuntahihopọn.
Hodo Apajlẹ Jesu Tọn
3. Nọ ganjẹ Jehovah go. Gbigbọ Jiwheyẹwhe tọn na huhlọn Jesu nado dọyẹwheho, podọ e gán na huhlọn hiẹ lọsu. (Mat. 10:19, 20; Luku 4:18) Biọ Jehovah nado na we adọgbigbo, na a nido nọ dọyẹwheho na mẹhe a mọdọ obu nọ di we nado dọnsẹpọ lẹ.—Owalọ 4:29.
4. Ma nọ lẹn jẹnukọn dọ mẹde ma na kẹalọyi blo. Mí gán nọ whleawu nado lá owẹ̀n lọ na mẹdelẹ, na awusọhia kavi otẹn he mẹ yé te, vlavo yé yin agbàjúmọ kavi hẹntọnọ, kavi na gbẹzan he yé nọ zan kavi nuyise sinsẹ̀n yetọn tọn lẹ wutu. Amọ́ nọ flindọ:
Jehovah po Jesu po gán yọ́n nuhe to ahun gbẹtọ lẹ tọn mẹ; amọ́ míwlẹ ma gán yọnẹn.
Mẹdepope wẹ gán mọaleyi sọn lẹblanu Jehovah tọn mẹ.
5. Nọ yí zinzin po aṣejininọ po dogọ adọgbigbo towe. (Mat. 10:16) Ma nọ dọnnu blo. Nọ doalọtena hodọdopọ lọ po sisi po eyin mẹlọ ma do ojlo to owẹ̀n lọ mẹ kavi eyin a mọdọ a to owù mẹ.—Howh. 17:14.