Ma Whleawu Nado Dọ Hójọhó Blo

Nuhe Jesu Wà

VIDEO: Jesu Na Ayinamẹ Dẹpẹ He Yin Ogán Adọkunnọ De

1. Pọ́n VIDEO lọ, kavi hia Malku 10:17-22. Enẹgodo, lẹnnupọndo kanbiọ he bọdego lẹ ji:

1. Jẹhẹnu dagbe tẹlẹ wẹ Jesu gán ko mọ to ogán jọja lọ si?

2. Naegbọn e biọ dọ Jesu ni yí owanyi do na ayinamẹ dẹpẹ lọ bo dọ hójọhó na ẹn ma whleawu?

Etẹwẹ Nuyiwa Jesu Tọn Ehe Plọn Mí?

2. Mí dona nọ yí owanyi do dọhona nuplọntọ mítọn lẹ, bo ka nọ dọ hójọhó na yé eyin mí jlo na gọalọna yé nado yinukọn to gbigbọ-liho.

Hodo Apajlẹ Jesu Tọn

3. Nọ gọalọna nuplọntọ towe nado ze yanwle lẹ dai bosọ nọ jẹ yé kọ̀n.

1. Nọ yí adà lọ “Yanwle” zan, ehe tin to nupinplọn dopodopo mẹ to Duvivi Ogbẹ̀ Tọn Kakadoi! mẹ.

2. Gọalọna nuplọntọ towe nado yọ́n afọdide tangan he e dona ze lẹ nado jẹ yanwle whenu gli tọn po whenu dindẹn tọn lẹ po kọ̀n.

3. Nọ pà nuplọntọ towe whẹwhẹ na lehe e to nukọnyi do.

4. Doayi nuhe to aliglọnna nuplọntọ towe nado yinukọn lẹ go, bo gọalọna ẹn nado duto yé ji.

1. Kanse dewe dọ:

   • ‘Eyin nuplọntọ ṣie ma to nukọnyi nado pegan na baptẹm, etẹwẹ to aliglọnna ẹn?’

   • ‘Etẹwẹ n’gán wà taun nado gọalọna ẹn?’

2. Hodẹ̀ nado tindo adọgbigbo he a nado dọ hójọhó na nuplọntọ towe bosọ yí owanyi do dó nuhe e dona wà taun hia ẹ.

5. Doalọtena oplọn he ma to nukọnyi lẹ.

1. Nado yọnẹn eyin plọnmẹ Biblu towe to nukọnyi kavi lala, kanse dewe dọ:

   • ‘Be nuplọntọ ṣie nọ yí nuhe plọn e te lẹ do yizan mẹ ya?’

   • ‘Be e nọ wá opli agun tọn lẹ bo nọ má nugbo lọ hẹ mẹdevo lẹ ya?’

   • ‘To whenue e ko plọnnu na ojlẹ de godo, be e to jijlo nado lẹzun dopo to Kunnudetọ Jehovah tọn lẹ mẹ ya?’

2. Eyin Biblu plọntọ de ma to ojlo dohia nado yinukọn:

   • Biọ to e si nado lẹnnupọndo nuhe sọgan ko to gigọ̀ ẹ do godo ji.

   • Yí zinzin do basi zẹẹmẹ nuhewutu a jlo na doalọtena oplọn lọ tọn na ẹn.

   • Dike ni yọ́n afọdide he e dona ze nado yinukọn lẹ whẹpo a nado gọ̀ oplọn lọ bẹ.