Lehe A Gán Deanana Plọnmẹ Biblu lẹ po Duvivi Ogbẹ̀ Tọn Kakadoi! po Do

Jẹnukọnna oplọn lọ

1. 

   1. Nọ wleawu po sọwhiwhe po. To awuwle lọ whenu, nọ lẹnnupọndo nuhudo, ninọmẹ po pọndohlan nuplọntọ towe tọn lẹ po ji. Tẹnpọn nado yọ́n nuagokun he e gán do hudo alọgọ tọn nado mọnukunnujẹemẹ kavi yido-yizan mẹ lẹ. Gbadopọnna hosọ he to adà lọ “Pọ́n Nudọnamẹ Devo lẹ” glọ lẹ nado yọ́n dehe gán gọalọna nuplọntọ towe, bo wleawufo nado yí i zan to oplọn lọ whenu, eyin e biọ domọ.

To oplọn lọ whenu

1. 2. Nọ hodẹ̀ to bẹjẹeji po vivọnu oplọn lọ tọn po, adavo nuplọntọ lọ gbẹ́.

2. 

   3. Nọ aṣeji ma nado nọ dọho susu. Hodidọ towe ni nọ sinai do nuhe to owe lọ mẹ lẹ ji, podọ nọ na dotẹnmẹ nuplọntọ lọ nado nọ dọ linlẹn etọn.

3. 4. To bẹjẹeji adà titengbe dopodopo tọn, nọ hia hukan he to “Nuhe E Bẹhẹn” glọ, bo donù delẹ to hosọ nupinplọn he to adà enẹ glọ lẹ tọn mẹ go.

4. 5. To vivọnu adà titengbe dopodopo tọn, nọ yí bladopọ adà lọ tọn do gọalọna nuplọntọ towe nado flin nugbo Biblu tọn he e ko plọn lẹ.

5. 6. Whenue a to anadena nupinplọn dopodopo hẹ nuplọntọ towe:

   1. Mì nọ hia hukan lẹ.

   2. Mì nọ hia wefọ he yè kàn hogbe lọ “Hia” donukọnna lẹpo.

   3. Mì nọ hia wefọ devo he yin sislẹ lẹ eyin e biọ domọ.

   4. 

      Mì nọ pọ́n video he yè kàn hogbe lọ “Hò” donukọnna lẹpo (eyin a tindo e).

   5. Nọ kàn kanbiọ dopodopo sè nuplọntọ lọ.

   6. Nọ dọ̀n ayidonugo nuplọntọ lọ tọn wá yẹdide he to adà lọ “Dindonanu Dogọ” mẹ ji bo biọ to e si nado basi zẹẹmẹ etọn.

   7. Nọ yí apotin lọ “Yanwle” zan nado gọalọna nuplọntọ towe nado nọ gbeje nukọnyiyi etọn to gbigbọ-liho pọ́n. A gán na ẹn tuli nado wazọ́n do yanwle he yin nùdego to nupinplọn lọ mẹ ji, nado ze yanwle devo lẹ dai, kavi nado basi awe lẹ.

   8. Kanse nuplọntọ towe eyin e yiwanna depope to hosọ kavi video he to adà lọ “Pọ́n Nudọnamẹ Devo lẹ” glọ lẹ mẹ to whenue e to awuwlena oplọn lọ.

   9. Tẹnpọn na mì ni nọ fó nupinplọn dopo blebu to oplọn dopo whenu.

To oplọn lọ godo

1. 

   7. Nọ hẹn nuplọntọ towe do ayiha mẹ. Nọ hodẹ̀ hlan Jehovah nado dona vivẹnu he do nuplọntọ towe te nado yinukọn, podọ dọ ni na we nuyọnẹn nado yọ́n lehe a na gọalọna ẹn do.