“Ojlẹ Dide” lọ Ko Sẹpọ

TAIDI yẹwhegán Habbakuk, devi Jesu tọn lẹ to jejeji nado mọ opodo yajiji tọn. To whenuena yé sè nuhe Ahọluduta Jiwheyẹwhe tọn na wà nado jla whẹho lẹ do to aigba ji, yé kanse Jesu dọmọ: “Whetẹnu wẹ onú ehelẹ na jọ, podọ etẹwẹ na yin ohia tintin tofi towe [to huhlọn Ahọluduta tọn mẹ] tọn po vivọnu titonu lọ tọn po?” (Matiu 24:3, NW) Jesu gblọnna yé dọ Jehovah Jiwheyẹwhe kẹdẹ wẹ yọ́n ojlẹ tangan he mẹ Ahọluduta lọ na deanana aigba to gigọ́ mẹ te. (Matiu 24:36; Malku 13:32) Ṣigba, Jesu po mẹdevo lẹ po dọ dọdai nujijọ delẹ tọn he na dohia dọ ojlẹ lọ to sisẹpọ.—Pọ́n apotin he tin to adusi mẹ.

Be hiẹ ma yigbe dọ onú ehelẹ gbayipe to egbehe ya? Jesu sọ dọ dọdai gando azọ́n mẹpinplọn tọn de go he na yin wiwadotana lẹdo aihọn pé. E dọmọ: “Yẹwheho wẹndagbe ahọluduta lọ tọn ehe na yin didọ to aigba fininọ lẹpo ji taidi okunnu de na akọta lẹpo; podọ whenẹnu wẹ opodo lọ na wá.”—Matiu 24:14, NW.

Nuhe to jijọ to egbehe pẹpẹ niyẹn. Kunnudetọ Jehovah tọn lẹ to azọ́n enẹ wà. To nudi aigba 236 lẹ ji, Kunnudetọ he hugan livi ṣinawe to nuhe Ahọluduta lọ na wà lẹ dọna gbẹtọ lẹ, bosọ to alọgọna yé nado jẹ nubiọtomẹsi dodo Jiwheyẹwhe tọn lẹ kọ̀n, yèdọ mẹhe ojlo etọn wẹ nado hẹn yajiji po awufiẹsa po wá opodo. Zindonukọn nado to nuplọn gando Ahọluduta Jiwheyẹwhe tọn go, na mọwiwà na zọ́n bọ hiẹ na tindo todido lọ nado nọgbẹ̀ kakadoi to aihọn he mẹ yajiji depope ma na tin te de mẹ.

[Apotin to weda 8]

Wefọ Delẹ He Dọhodo Azán Godo Tọn lẹ Ji

MATIU 24:6, 7; OSỌHIA 6:4

• Awhàn he nkọ ma ko jọ pọ́n

MATIU 24:7; MALKU 13:8

• Aigba sisọsisọ

• Huvẹ

LUKU 21:11; OSỌHIA 6:8

• Azọ̀nylankan lẹ

MATIU 24:12

• Jideji sẹ́nhẹngba tọn

• Owanyi gbẹtọ lẹ tọn to mimiọn

OSỌHIA 11:18

• Husudo aigba tọn

2 TIMOTI 3:2

• Wanyina akuẹ zẹjlẹgo

• Tolivivẹ do mẹjitọ lẹ go

• Wanyina mẹdetiti zẹjlẹgo

2 TIMOTI 3:3

• Matin owanyi jọwamọ tọn

• Gbẹtọ lẹ ma tindo gbigbọ gbekọndopọ tọn

• Wazẹjlẹgo to adà lẹpo mẹ

• Wanyina dagbewà to doyi

2 TIMOTI 3:4

• Wanyina gbẹdudu hú Jiwheyẹwhe

2 TIMOTI 3:5

• Mẹsusu nọ gbọn yẹnuwiwa dali sọalọakọ́n nado yin Klistiani

MATIU 24:5, 11; MALKU 13:6

• Yẹwhegán lalo lẹ to susudeji

MATIU 24:9; LUKU 21:12

• Klistiani nugbo lẹ yin homẹkẹndo

MATIU 24:39

• Gbẹtọ lẹ ma nọ payi avase Biblu tọn lẹ go

[Yẹdide to weda 8]

Lẹdo aihọn pé, Kunnudetọ Jehovah tọn lẹ nọ plọnnu mẹdevo lẹ gando Ahọluduta Jiwheyẹwhe tọn go