Na Jọja Lẹ

Nupinplọn sọn Lẹblanu Jiwheyẹwhe Tọn Mẹ

JONA—ADÀ 2tọ

Anademẹ he na yin hihodo: Wà ehe to lẹdo he ma tindo ayihafẹsẹnamẹnu depope mẹ. Dile hiẹ to wefọ lọ lẹ hia, pọ́n dewe hlan taidi mẹhe to mahẹ tindo to nujijọ lọ mẹ. Yí nukun homẹ tọn do pọ́n nujijọ lọ. Sè ogbè mẹhe to hodọ lẹ tọn. Tindo numọtolanmẹ dopolọ hẹ mẹhe yin tọ́ntlọ́ngbọ́n to nujijọ lọ mẹ lẹ. Pọ́n nujijọ lọ taidi nuhe to jijọ to alọnu.

1 GBADOPỌNNA NUJIJỌ LỌ.—HIA JONA 3:1–4:11.

Numọtolanmẹ tẹwẹ a lẹndọ Jona na ko tindo to whenuena e biọ tòdaho Nineve tọn mẹ?

․․․․․

Numọtolanmẹ tẹwẹ a mọdọ Jona na ko tindo dile e to owẹ̀n whẹdida Jehovah tọn lá?

․․․․․

Nawẹ Jona na ko gblehomẹ do dile e sinai to gbonu tòdaho lọ tọn? (Pọ́n Jona 4:5-8.)

․․․․․

2 DINDONANU DOGỌ.

Naegbọn Jona na ko jlo dọ Jehovah ni yinuwa sọgbe hẹ dọdai etọn nado và Nineve sudo?

․․․․․

Gbọn owe dodinnanu tọn he tin-to-aimẹ yiyizan dali, (1) dindona awusọhia po nuyiwa atinkan lọ tọn po (2) dindona nuhe odẹ́vọ̀ ṣinṣinyọn gọna aisinsin to afín mẹ ahọlu Nineve tọn zẹẹmẹdo.

․․․․․

To whenuena e yindọ Jona whleawu to tintan whenu nado yì dọ dọdai to Nineve, naegbọn e sọgan yin yiylọdọ yẹwhegán nugbonọ podọ adọgbotọ de? (Matiu 21:28-31)

․․․․․

3 YÍ NUHE A PLỌN LẸ ZAN. KÀN NUHE A PLỌN LẸ DAI GANDO NUHE BỌDEGO EHELẸ GO: . . .

Nugopipe gbẹtọvi lẹ tọn nado diọ sọn gbẹzan ylankan zinzan mẹ.

․․․․․

Lẹblanu Jehovah tọn.

․․․․․

Mí dona nọ do lẹblanu hia.

․․․․․

4 ADÀ TẸWẸ FỌNJLODOTENA WE HUGAN TO KANDAI EHE MẸ, PODỌ ETẸWUTU?

․․․․․

Na dodinnanu devo lẹ, pọ́n Atọ̀họ̀-Nuhihọ́ lọ Tọn [Flansegbe] 1^er avril 2009, weda 14-18.

EYIN HIẸ MA TINDO BIBLU, BIỌ DOPO TO KUNNUDETỌ JEHOVAH TỌN LẸ SI, KAVI HIA Ẹ TO OGBÈ HE A JẸAKỌ HẸ DE MẸ TO INTERNET JI TO www.watchtower.org