Kanbiọ Sinai Do Biblu Ji

Nawẹ ayajẹ sọgan tin to alọwle de mẹ gbọn?

Ayinamẹ Biblu tọn gando lehe yè sọgan tindo alọwle ayajẹnọ de do go nọ tindo kọdetọn dagbe na e wá sọn Dowatọ alọwle tọn, Jehovah Jiwheyẹwhe dè wutu. Biblu nọ gọalọna mí nado wleawuna jẹhẹnu mẹdetiti tọn lẹ he sọgan zọ́n bọ ayajẹ na tin to alọwle mẹ, podọ e sọ nọ na mí avase gando walọ he sọgan hẹn gbakija wá alọwle mẹ lẹ go. E sọ nọ do aliho hodọdopọ tọn he nọ yidogọna ayajẹ to alọwle mẹ lẹ hia mí.—Hia Kọlọsinu lẹ 3:8-10, 12-14.

Asu po asi po lẹ dona nọ yí sisi po yẹyi po do yinuwa hẹ ode awetọ. Eyin yé omẹ awe lẹ kẹalọyi azọngban he Jiwheyẹwhe dena yé to alọwle mẹ lẹ, yé na tindo ayajẹ.—Hia Kọlọsinu lẹ 3:18, 19.

Etẹwẹ nọ hẹn alọwle de dẹn-to-aimẹ?

Asu po asi po he wlealọ lẹ sọgan nọpọ́ eyin yé yiwanna ode awetọ. Jiwheyẹwhe plọn mí lehe mí sọgan do owanyi hia do. Ewọ po Visunnu etọn Jesu po yin apajlẹ pipé owanyi mẹde-yido-sanvọ́ tọn. —Hia 1 Johanu 4:7, 8, 19.

Asu po asi po lẹ na nọpọ́ eyin yé nọ na sisi alọwle taidi tito he Jiwheyẹwhe zedai de. Jiwheyẹwhe ze alọwle dai nado yin kọndopọ tẹgbẹ tọn de to sunnu po yọnnu po ṣẹnṣẹn, na whẹndo lẹ nido tindo hihọ́. Alọwle sọgan dẹn-to-aimẹ na Jiwheyẹwhe na nugopipe lọ sunnu po yọnnu po nado súdo ode awetọ tọn to agbasa-liho podọ to numọtolanmẹ-liho. E sọ dá yé to apajlẹ etọn mẹ, po nugopipe lọ po nado nọ do owanyi hia dile ewọ lọsu nọ wà do.—Hia Gẹnẹsisi 1:27; 2:18, 24.

Na nudọnamẹ dogọ, pọ́n weta 14 owe Etẹwẹ Biblu Plọn Mí Taun tọn, he Kunnudetọ Jehovah tọn lẹ zinjẹgbonu

A sọgan mọ ẹn yí to www.pr2711.com ji

[Yẹdide to weda 16]

Hodọdopọ nankọ wẹ nọ yidogọna ayajẹ to alọwle mẹ?