Etẹwẹ Biblu Plọn Mí?

Be gbẹtọ wẹ yin dowatọ sinsẹ̀n tọn ya?

MẸDELẸ YISE dọ gbẹtọ wẹ yin dowatọ sinsẹ̀n tọn; mẹdevo lẹ nọ lẹndọ Jiwheyẹwhe nọ yí sinsẹ̀n zan nado dọ̀n mí sẹpọ ede. Etẹwẹ mì lẹn?

NUHE BIBLU DỌ

‘Sinsẹ̀n he wé bo ma yin hinhẹnflu sọn pọndohlan Jiwheyẹwhe podọ Otọ́ mítọn tọn mẹ’ de tin. (Jakọbu 1:27, nudọnamẹ odò tọn) Jiwheyẹwhe dè wẹ sinsẹ̀n he wé kavi he yin nugbo lọ wá sọn.

NUDEVO HE MÍ PLỌN SỌN BIBLU MẸ

• Whẹpo Jiwheyẹwhe na kẹalọyi sinsẹ̀n de, e dona sinai do nugbo Biblu tọn ji.—Johanu 4:23, 24.

• Ovọ́ wẹ sinsẹ̀n he sinai do linlẹn gbẹtọ tọn ji lẹ yin. —Malku 7:7, 8.

Be dandan wẹ dọ gbẹtọ ni kọnawudopọ hẹ sinsẹ̀n de ya?

ETẸWẸ HIẸ NA DỌ?

• Mọwẹ

• Lala

• N’ma yọnẹn

NUHE BIBLU DỌ

“Mì gbọ mí ni nọ na ayidonugo ode awetọ nado nọ whàn mídelẹ hlan owanyi po azọ́n dagbe lẹ po kọ̀n, e ma yin nado nọ gbẹkọ pipli dopọ mítọn lẹ go.” (Heblu lẹ 10:24, 25) Jiwheyẹwhe jlo dọ sinsẹ̀n-basitọ emitọn lẹ ni nọ pli dopọ taidi pipli de he to titoji.

NUDEVO HE MÍ PLỌN SỌN BIBLU MẸ

• Mẹhe nọ sẹ̀n Jiwheyẹwhe topọ mẹ lẹ dona tindo nuyise dopolọ lẹ.—1 Kọlintinu lẹ 1:10, 11.

• Hagbẹ sinsẹ̀n he Jiwheyẹwhe kẹalọyi tọn lẹ nọ wleawuna pipli mẹmẹsunnu lẹ tọn lẹdo aihọn pé de.—1 Pita 2:17.