To Ahọluduta Jiwheyẹwhe tọn glọ, gbẹtọ lẹ na “nọ mọ awuvivi susu to jijọho susugege mẹ.”—Salmu lẹ 37:11
Etẹwẹ Biblu Plọn Mí?
Be Biblu sọgan gọalọna we nado duto magbọjẹ ji ya?
Etẹ mì na dọ?
Mọwẹ
Lala
N’ma yọnẹn
Nuhe Biblu dọ
‘Mì bẹ magbọjẹ mìtọn lẹpo dlan Jiwheyẹwhe ji, na e to mìtọn hòpọn wutu.’ (1 Pita 5:7) Biblu namẹ jide dọ Jiwheyẹwhe sọgan gọalọna we nado vò sọn magbọjẹ towe lẹ si.
Nudevo tẹwẹ mí sọgan plọn sọn Biblu mẹ?
Eyin a nọ hodẹ̀, a sọgan mọ “jijọho Jiwheyẹwhe tọn” yí, ehe na de magbọjẹ towe lẹ pò.—Filipinu lẹ 4:6, 7.
Humọ, Ohó Jiwheyẹwhe tọn hihia sọgan gọalọna we nado duto flumẹjijẹ ji.—Matiu 11:28-30.
Be magbọjẹ na wá busẹ gbede ya?
Mẹdelẹ yise . . . dọ jọwamọnu wẹ magbọjẹ po flumẹjijẹ po yin, podọ mẹdevo lẹ yise dọ okú godo janwẹ mí sọgan vò sọn magbọjẹ si. Etẹ mì lẹn?
Nuhe Biblu dọ
Jiwheyẹwhe na de nuhe nọ hẹn magbọjẹ wá lẹ sẹ̀. “Okú ma nasọ tin ba, mọjanwẹ aluẹmẹninọ kavi avi kavi awufiẹsa ma nasọ tin ba.”—Osọhia 21:4.
Nudevo tẹwẹ mí sọgan plọn sọn Biblu mẹ?
To Ahọluduta Jiwheyẹwhe tọn glọ, gbẹtọ lẹ na nọgbẹ̀ to jijọho mẹ bo na vò.—Isaia 32:18.
Mí ma na flin magbọjẹ po flumẹjijẹ he ma yin dandan tọn lẹ po.—Isaia 65:17.